மணல் கொள்ளையில் கிடைத்த பணத்தில் திரைப்படம் எடுத்த மணல் கொள்ளையன் சிவமணி மீது குண்டர் சட்டம் பாய்ந்துள்ளது.
கடலூர் மாவட்டம் ஏரிப்பாளையத்தை சேர்ந்த சிவமணி கெடிலம் ஆற்றில் மணல் கொள்ளையில் ஈடுபட்டு வந்தார்.இதில் கிடைத்த பணத்தை கொண்டு சொந்த தயாரிப்பில் தானே நடித்து " திட்டமிட்டபடி" என்ற பெயரில் திரைப்படமாகவும் எடுத்து வந்தார். இந்நிலையில் மக்கள் போராட்டத்தை அடுத்து கடலூர் எஸ் பி விஜயகுமார் நேரடியாக தனிப்படை அமைத்து தேடியதில் தலைமறைவாக இருந்த சிவமணி கைது செய்யப்பட்டு கடலூர் மத்திய சிறையில் அடைக்கப்பட்டுள்ளார். இவர் மீது கொலை கொள்ளை, வழிப்பறி, மிரட்டல் வழக்குகள் உள்ளன. இதன் அடிப்படையில்,சிவமணி மீது குண்டர் தடுப்பு சட்டத்தில் அடைக்க மாவட்ட ஆட்சியர் உத்தரவிட்டார்.
