உலகக்கோப்பை கால்பந்து தகுதிச் சுற்றில் ஜெர்மனி அணி 8வது வெற்றியைப் பதிவு செய்துள்ளது.
ஐரோப்பிய அணிகளுக்கான தகுதிச் சுற்றின் சி பிரிவில், ஜெர்மனி அணி இதுவரை விளையாடிய அனைத்து போட்டிகளிலும் வெற்றியை வசமாக்கியுள்ளது. சொந்த மண்ணில் இன்று அதிகாலை நடைபெற்ற ஆட்டத்தில் நார்வே அணியை, ஆறுக்கு - பூஜ்யம் என்ற கோல் கணக்கில் ஜெர்மனி அணி பந்தாடியது. தகுதிச் சுற்றில் தோல்வியை சந்திக்காத அணியாக வலம் வரும் ஜெர்மனி, ஏறக்குறைய உலகக்கோப்பை போட்டிக்கு தகுதி பெறுவதை உறுதி செய்துவிட்டது. நார்வே அணி 8 போட்டிகளில், இரண்டில் மட்டுமே வெற்றி பெற்று ஐந்தாவது இடத்தில் உள்ளது.
