இந்திய கிரிக்கெட் அணியின் கேப்டன் விராத் கோலியிடம் இயற்கையாகவே சில திறமைகள் அமைந்திருக்கிறது என்று தென்னாப்பிரிக்க அணியின் கேப்டன் டி வில்லியர்ஸ் கூறினார்.
சாம்பியன்ஸ் கோப்பையின் இறுதி போட்டியில் இந்தியா- பாகிஸ்தான் அணிகள் இன்று மோதுகின்றன. பரபரப்பை ஏற்படுத்தியுள்ள இந்தப் போட்டி குறித்து டி வில்லியர்ஸ் கூறும்போது, ’உலகில் சிறந்த வீரர் கோலி. இந்தியாவின் பேட்டிங் வரிசை திறமையான வீரர்களால் நிரம்பி இருக்கிறது. பாகிஸ்தானின் பந்து வீச்சாளர்கள் கோலியை கட்டுப்படுத்துவது முக்கியம். மைதானத்துக்குள் அவர் ஆக்ரோஷமானவர். இயற்கையிலேயே அவரிடம் ஆச்சரியமான திறமைகள் இருக்கிறது’ என்று கூறியிருக்கிறார்.
