ஷார்ட்டர் பார்மெட் கிரிக்கெட்டில் கோலி தலைமையிலான இந்திய அணிக்கு தோனி மாதிரியான ஒரு வீரர் தேவை என சொல்லியுள்ளார் வெஸ்ட் இண்டீஸ் அணியின் முன்னாள் வீரர் மைக்கேல் ஹோல்டிங்.
ஆஸ்திரேலியாவுடனான முதல் ஒருநாள் போட்டியில் இந்திய அணி தோல்வியை தழுவிய நிலையில் பெரிய ஸ்கோரை சேஸ் செய்யும் போது தோனி மாதிரியான வீரர் பேட்டிங் லைனில் அவசியம் இருக்க வேண்டும் என சொல்லியுள்ளார் ஹோல்டிங்.
“இந்திய அணியில் நன்றாக பேட் செய்யக் கூடிய வீரர்கள் இருக்கின்றனர். ஆனால் தோனி அணியில் இல்லாததால் கோலியின் அணி தடுமாறி வருகிறது. இது நம் எல்லோருக்கும் தெரிந்த ஒன்று தான். தோனி இன்னிங்ஸின் நடுவே வந்து சேஸிங் ஒற்றையாளாக கண்ட்ரோல் செய்வார். அவர் அணியில் இருந்த போது பெரிய ஸ்கோரை இந்திய அணி எளிதாக சேஸ் செய்துள்ளது. டாஸை இழந்தாலும், வென்றாலும் தோனியின் திறனை நம்பி பெரும்பாலும் சேஸிங் தான் இந்தியாவின் ஃபேவரைட்டாக இருந்தது.
பந்தை ஹிட் செய்யும் வல்லமை படைத்த பேட்ஸ்மேன்கள் அணியில் இருந்தாலும் தோனி மாதிரியான ஒரு வீரர் இந்தியாவுக்கு அவசியம் தேவை. அதற்கு காரணம் அவரது திறன் மட்டுமல்ல கேரக்டரும் தான். அவர் ஒரு ஸ்பெஷலான வீரர்” என தனது யூடியூப் சேனலில் சொல்லியுள்ளார் ஹோல்டிங்.
