சர்வதேச கிரிக்கெட்டில் தலைசிறந்த அணிகளில் கோலி தலைமையிலான இந்திய அணியும் ஒன்று. தற்போது இந்திய அணி ஆஸ்திரேலியாவில் சுற்றுப்பயணம் மேற்கொண்டு கிரிக்கெட் விளையாடி வருகிறது.
முதல் ஒருநாள் போட்டியில் 374 ரன்களை குவித்த ஆஸ்திரேலிய அணி இரண்டாவது போட்டியில் 389 ரன்களை குவித்துள்ளது. இதன் மூலம் இந்தியாவுக்கு எதிராக அடுத்தடுத்து இரண்டு முறை அதிக ரன்களை குவித்த அணி என்ற சாதனையை படைத்துள்ளது ஆஸ்திரேலியா.
இதுவரை இந்தியாவுக்கு எதிராக ஒருநாள் ஆட்டங்களில் தென்னாப்பிரிக்க அணி மும்பை வான்கடே மைதானத்தில் 2015-இல் நடைபெற்ற போட்டியில் 438 ரன்களை குவித்துள்ளது. அடுத்ததாக இலங்கை அணி ராஜ்கோட்டில் 2009 இல் நடைபெற்ற போட்டியில் 411 ரன்களை குவித்துள்ளது. அதற்கடுத்த இடத்தில் ஆஸ்திரேலியா 389 மற்றும் 374 ரன்களை இப்போது குவித்துள்ளது. இங்கிலாந்து அணி கட்டாக்கில் 2017 இல் 366 ரன்களை குவித்திருந்தது.
இதில் இலங்கை மற்றும் இங்கிலாந்துக்கு எதிரான போட்டிகளில் இந்தியா வென்றிருந்தது. இன்று நடைபெறும் ஆட்டத்தில் 389 ரன்களை சேஸ் செய்தால் மீண்டும் அந்த மேஜிக் நடக்கலாம்.
