அர்ஜூனா விருது வழங்க முகமது ஷமி, ரவிந்திர ஜடேஜா, பும்ரா மற்றும் பூனம் யாதவ் ஆகிய 4 கிரிக்கெட் வீரர்களின் பெயரை இந்திய கிரிக்கெட் கட்டுப்பாட்டு வாரியம் பரிந்துரைத்துள்ளது.
விளையாட்டுத்துறையில் சிறப்பாக செயல்படும் வீரர்களை ஊக்குவிக்கும் வகையில் மத்திய அரசு ஆண்டுதோறும் விருதுகளை வழங்கி கௌரவிக்கிறது. அந்த வகையில் நடப்பு ஆண்டிற்கான அர்ஜூனா விருதுக்கு நான்கு இந்திய கிரிக்கெட் வீரர்களின் பெயர்களை பிசிசிஐ பரிந்துரைத்துள்ளது. அதில் முகமது ஷமி, ரவிந்திர ஜடேஜா, பும்ரா மற்றும் பூனம் யாதவ் ஆகியோரின் பெயர்களை இந்திய கிரிக்கெட் கட்டுப்பாட்டு வாரியம் பரிந்துரை செய்தது.
இந்திய கிரிக்கெட் அணியின் வேகப்பந்து வீச்சாளராக முகமது ஷமியும் பும்ராவும் செயல்பட்டு வருகின்றனர். ரவிந்திர ஜடேஜா ஆல் ரவுண்டராக செயல்பட்டு வருகிறார். மேலும் இவர்கள் மூவரும் 2019ம் ஆண்டு உலகக் கோப்பைக்கான இந்திய அணியில் இடம் பெற்றுள்ளனர் என்பது குறிப்பிடத்தக்கது.
