டி20 உலகக் கோப்பைக்கான இந்திய அணியை இறுதி செய்வது தொடர்பாக இந்திய அணியின் கேப்டன் ரோகித் சர்மாவை இந்திய அணியின் தேர்வு குழு தலைவர் அஜித் அகர்கர் நேற்று முன்தினம் (ஞாயிற்றுக்கிழமை) சந்தித்து பேசியுள்ளார்.
இதில் இந்திய அணியின் விக்கெட் கீப்பர்களாக ரிஷப் பண்ட் மற்றும் சஞ்சு சாம்சன் தேர்வு செய்யப்பட்டுள்ளதாக தகவல் கிடைத்துள்ளது. அதேபோல ஆல் ரவுண்டர் அக்சர் பட்டேல் உலகக்கோப்பை இந்திய அணியில் இடம்பெறவில்லை என கூறப்படுகிறது.
சுழற்பந்து வீச்சாளர்களாக ரவீந்திர ஜடேஜா, குல்தீப் யாதவ் மற்றும் பிஷ்னாய் ஆகியோர் தேர்வு செய்யப்பட்டுள்ளனர் என புதிய தலைமுறைக்கு பிரத்தியேக தகவல் கிடைத்துள்ளது.
தகவலின்படி ரோகித் சர்மா, ஜெய்ஸ்வால், கோலி, சூர்யகுமார் யாதவ், ரிஷப் பண்ட், ஹர்திக் பாண்டியா, ரிங்கு சிங், ஜடேஜா, குல்தீப் யாதவ், பும்ரா, சிராஜ், சஞ்சு சாம்சன், கலீல் அகமத், ரவி பிஷ்னாய், அர்ஷ்தீப் சிங் உள்ளிட்டோர் இடம்பெற வாய்ப்புள்ளதாக தகவல் வெளியாகியுள்ளது.
மாற்று வீரர்கள் பட்டியலில் கில், ரியான் பராக், ஷிவம் துபே ஆகியோரது பெயர்கள் உள்ளதாகதெரிகிறது.
