20 ஓவர் உலகக் கோப்பை கிரிக்கெட் திருவிழா ஐக்கிய அரபு அமீரகத்தில் உள்ள துபாய், அபுதாபி, சார்ஜா ஆகிய நகரங்களில் நடந்து வருகிறது. சூப்பர்-12 சுற்றின் குரூப்-2-ல் இடம் பெற்றுள்ள இந்திய அணி மோசமான ஆட்டத்தை வெளிப்படுத்தி வருகிறது. பாகிஸ்தானுக்கு எதிரான தனது தொடக்க ஆட்டத்தில் 10 விக்கெட் வித்தியாசத்தில் படுதோல்வி அடைந்த இந்திய அணி, 2-வது லீக்கில் நியூசிலாந்துக்கு எதிராக வெறும் 110 ரன்னில் சுருண்டு மற்றுமொரு படுதோல்வியை தழுவியது. அடுத்தடுத்து இரு படுதோல்விகளினால் இந்தியாவின் அரையிறுதி வாய்ப்பு சிக்கலாகியுள்ளது. மற்ற அணிகளின் முடிவை சார்ந்து இருக்க வேண்டிய நிலைமைக்கு இந்திய அணி தள்ளப்பட்டு உள்ளது.
