சூப்பர் கோப்பை கால்பந்து போட்டியில் மேன்செஸ்டர் யுனைடெட் அணியை வீழ்த்தி ரியல் மேட்ரிட் அணி கோப்பையை வென்றது.
ஐரோப்பிய சாம்பியன்ஸ் லீக் மற்றும் ஐரோப்பா லீக் தொடரில் பட்டம் வெல்லும் அணிகள் இடையே ஆண்டு தோறும், சூப்பர் கோப்பை கால்பந்து போட்டி நடத்தப்படுகிறது. அதன்படி, நடப்பு ஆண்டிற்கான போட்டியில் ஐரோப்பிய சாம்பியனான ரியல் மேட்ரிட் அணியும், ஐரோப்பா சாம்பியனான மேன்செஸ்டர் யுனைடெட் அணியும் பலப்பரீட்சை நடத்தின.
மேசிடோனியாவில் நடந்த போட்டியில், இரண்டுக்கு - ஒன்று என் கோல் கணக்கில் மேட்ரிட் அணி வெற்றி பெற்றது. ரியல் மேட்ரிட் அணியில் காசெமிரோ, இஸ்கோ ஆகியோர் கோல் அடித்து வெற்றிக்கு உதவினர். மேன்செஸ்டர் அணியில், லூகாகு ஆறுதல் கோல் அடித்தார்.
