துபாயில் நடந்த இருபது ஓவர் உலகக்கோப்பையின் முக்கியமான போட்டியில் நேற்றிரவு தென்ஆப்ரிக்கா, இங்கிலாந்து அணிகள் மோதின. டாஸ் வென்ற இங்கிலாந்து பீல்டிங்கைத் தேர்வு செய்தது. முதலில் பேட் செய்த தென்ஆப்ரிக்க அணியில் ராஸி வான் டெர் டுசென் அதிரடி காட்டினார். 6 சிக்சர்கள், 5 பவுண்டரிகளை விளாசி 60 பந்துகளில் அவர் 94 ரன்கள் எடுத்து அவுட் ஆகாமல் இருந்தார். 25 பந்துகளில் 4 சிக்சர்கள், 2 பவுண்டரிகளுடன் 52 ரன்கள் எடுத்த மார்க்ரமும் அவுட் ஆகாமல் இருக்க, 20 ஓவர்களில் தென்ஆப்ரிக்க அணி 2 விக்கெட் இழப்புக்கு 189 ரன்கள் குவித்தது.
