இந்திய டென்னிஸ் வீராங்கனை சானியா மிர்சா தனது 31ஆவது பிறந்தநாளை இன்று கொண்டாடினார்.
டென்னிஸ் நாயகி சானியா மிர்ஸா, கிராண்ட்ஸ்லாம் தொடரில் பெண்கள் இரட்டையர் பிரிவிலும். கலப்பு இரட்டையர் பிரிவிலும் தலா 3 பட்டங்களை வென்றுள்ளார். 2016-ம் ஆண்டு டைம்ஸ் பத்திரிக்கை வெளியிட்ட 100 சிறந்த வீரர்களின் பட்டியலில் சானியா இடம் பெற்றிருந்தார். இரட்டையர் பிரிவில் தரவரிசையில் முதலிடத்தையும் பிடித்துள்ளார்.
சானியா மிர்சா தனது 31ஆவது பிறந்தநாளை இன்று கொண்டாடினார். கணவர் சோயிப் மாலிக், கிரிக்கெட் வீரர் சுரேஷ் ரெய்னா உள்ளிட்டோர் சானியா மிர்சாவுக்கு பிறந்தநாள் வாழ்த்து தெரிவித்துள்ளனர்.
மேஜிக்கல் பிறந்தநாள் கொண்டாடும் தனது மனைவிக்கு வாழ்த்து தெரிவிப்பதாக சோயிப் மாலிக் ட்விட்டர் பக்கத்தில் பதிவிட்டுள்ளார்.
அதேபோல், தமிழ் நடிகை காஜல் அகர்வால் தனது ட்விட்டர் பக்கத்தில் சானியா மிர்ஸாவுக்கு பிறந்தநாள் வாழ்த்துக்கள் தெரிவித்துள்ளார்.
சானியா மிர்ஸா தற்போது செக் குடியரசைச் சேர்ந்த பார்போரா ஸ்டரிகோவா மற்றும் சீனாவைச் சேர்ந்த ஷூவாய் பெங் உடன் இணைந்து விளையாடி வருகிறார். காலில் காயம் ஏற்பட்டுள்ளதால் சில வாரங்கள் ஓய்வு பெற வேண்டியிருப்பதாக சில தினங்களுக்கு முன்பு கூறியிருந்தார்.
