அதில் பேட்டிங் மேஸ்ட்ரோ சச்சின் தனது 20 வயது மகன் அர்ஜுன் டெண்டுல்கரின் தலைமுடியை மிக நேர்த்தியாக வெட்டி விட்டுள்ளார். அதனை அப்படியே வீடியோவாக பதிவு செய்து பகிர்ந்து கொண்டுள்ளார். இதனைப் பகிர்ந்த சச்சின், தனது உதவியாளராக பணியாற்றிய தனது மகள் சாராவுக்கும் நன்றி தெரிவித்தார்.
மேலும் அந்தப் பதிவில் சச்சின், “ஒரு தந்தையாக நீங்கள், உங்கள் குழந்தைகளுடன் விளையாடுவது, அவர்களுடன் ஜிம்மிங் செய்வது அல்லது அவர்களின் தலைமுடியை வெட்டுவது என அனைத்தையும் எல்லாவற்றையும் செய்ய வேண்டும். நீங்கள் எப்போதும் அழகாக இருப்பீர்கள் அர்ஜூன்” எனக் கூறியுள்ளார்.
ஊரடங்கு அமல்படுத்தப்பட்டுள்ளதால் பல நகரங்களில் இன்னும் முடித்திருந்தும் நிலையங்கள் திறக்க அனுமதி வழங்கப்படவில்லை என்பது குறிப்பிடத்தக்கது.