இந்தச் சம்பவம் குறித்து அவர்,“யானைக்கு யாரும் வெடிமருந்து நிரம்பிய அன்னாசிப் பழங்களைக் கொடுக்கவில்லை என நினைக்கிறேன். காட்டுப்பன்றிகளிடம் இருந்து பயிர்களைக் காக்க வைக்கப்பட்டிருந்த வெடிமருந்து நிரப்பப்பட்ட அன்னாசிப் பழங்களைப் பசிக்காக யானை உண்டதாகத் தெரிகிறது. அப்பகுதியில் உள்ள மக்கள் விலங்குகளிடம் இருந்து தங்களையும், தங்களது பயிர்களையும் பாதுகாக்க இது போன்ற விஷயங்களைச் செய்கின்றனர்” என்றார்.
மேலும் அவர் “விவசாயிகள் தங்களது பயிர்களைக் காட்டுப் பன்றிகளிடம் இருந்து பாதுகாத்துக் கொள்ள வலைகளை வைத்துள்ளனர். இந்த வலையில் காட்டுப்பன்றிகள் மட்டுமல்லாது பிற விலங்குகளும் சிக்கிவிடுகின்றன. இறந்த கர்ப்பிணிப் பெண் யானை பாலக்காட்டில் உள்ள சைலண்ட் வேலி தேசிய பூங்காவிலிருந்து வந்துள்ளது. யானைக்கு தற்போது 15 வயது. உண்மையில், யானை இறந்தது அனைவருக்கும் பெரும் வலியைக் கொடுத்து விட்டது” என்றார்.
