புரோ கபடி லீக் தொடரில் குஜராத் அணி ஐந்தாவது வெற்றியைப் பதிவு செய்துள்ளது.
அகமதாபாத்தில் நேற்றிரவு நடைபெற்ற போட்டியில் பெங்களூரு புல்ஸ் அணியை எதிர்த்து குஜராத் பார்ச்சுன் ஜெயன்ட்ஸ் அணி விளையாடியது. விறுவிறுப்பு நிறைந்த போட்டியில் 27-24 என்ற புள்ளிகள் கணக்கில் குஜராத் அணி வெற்றியை வசமாக்கியது.
மற்றொரு போட்டியில் புனேரி பல்தான் அணி, 34-17 என்ற புள்ளிகள் கணக்கில் பெங்கால் வாரியர்ஸ் அணியை வென்றது. இதுவரை நடைபெற்றுள்ள லீக் ஆட்டங்களின் முடிவில், ஏ பிரிவில் குஜராத் அணி 28 புள்ளிகளுடன் முதலிடத்திலும், புனே அணி 16 புள்ளிகளுடன் இரண்டாவது இடத்திலும் உள்ளன. இன்று நடைபெறும் போட்டியில் தமிழ் தலைவாஸ் அணி, ஹரியானா அணியை எதிர்கொள்கிறது. மற்றொரு ஆட்டத்தில் குஜராத் மற்றும் ஹைதராபாத் அணிகள் பலப்பரீட்சை நடத்துகின்றன.
