பாகிஸ்தான் கூகுளில் அதிக தேடப்பட்ட கிரிக்கெட் வீரர்கள் பட்டியலில், விராத் கோலி முதலிடத்தில் உள்ளார்.
இந்திய கிரிக்கெட் அணியின் கேப்டன் விராத் கோலி உலகளவில் பிரபலமான ஒருவர். உலகத்தின் பல பகுதிகளில் இருந்தும் இவருக்கு ரசிகர்களின் வாழ்த்துக்கள், பாராட்டுக்கள் அடிக்கடி குவியும். இந்நிலையில், தற்போது பாகிஸ்தான் நாட்டில் கடந்த ஒரு வருடத்தில் அதிகம் தேடப்பட்ட கிரிக்கெட் வீரர்களின் பட்டியலை கூகுள் அறிவித்தது. இதில் இந்திய கிரிக்கெட் வீரர் விராத் கோலி முதலிடம் பிடித்துள்ளார்.
அவர்களின் நாட்டில் உள்ள கிரிக்கெட் வீரர்களை பின்னுக்கு தள்ளி, கோலி முதலிடத்தை பெற்றுள்ளார். சர்ப்ரஸ் அகமது, முகமது அமீர், அஹ்மது ஷேஷாத் ஆகியோரும் இந்த பட்டியலில் இடம்பிடித்துள்ளனர். கூகுளின் இந்த அறிவிப்பை கண்ட பாகிஸ்தான் வீரர்கள் பலர் அதிர்ச்சி அடைந்துள்ளனர். மேலும், கோலி குறித்து பாகிஸ்தான் வீரர்கள் பேசிய செய்திக் குறித்தும் அங்கிருக்கும் மக்கள் கூகுளில் தேடி உள்ளதாகவும் கூகுள் நிறுவனம் தெரிவித்துள்ளது.
