செய்தியாளர்: சந்தானம்.
பாரீஸ் ஒலிம்பிக்ஸ் தொடரில் 9வது நாளான இன்று இந்தியா விளையாடும் போட்டிகள் என்னென்ன என்பதை பார்க்கலாம்.
நண்பகல் 12.30 மணிக்கு நடைபெறும் ஆடவர் 25 மீட்டர் பிஸ்டல் துப்பாக்கிச்சுடுதல் போட்டியில் இந்தியாவின் வியாவீர் சித்து மற்றும் அனிஷ் விளையாட உள்ளனர்.
பகல் 1.30 மணிக்கு இந்திய ஆடவர் ஹாக்கி அணி காலிறுதி போட்டியில் கிரேட் பிரிட்டன் அணிக்கு எதிராக விளையாட உள்ளது.
அதேபோல, 1.35 மணிக்கு 3000 மீட்டர் Steeplechase எனப்படும் தடைகளோடு கூடிய ஓட்டப்போட்டியில் இந்திய வீராங்கனை பருள் சவுத்ரி விளையாட உள்ளார்.
பிற்பகல் 2.30 மணிக்கு நடைபெறும் நீளம் தாண்டுதல் போட்டியில் தமிழக வீரர் ஜெஸ்வின் ஆல்ட்ரின் களம் காண்கிறார்.
மாலை 3 மணிக்கு நடைபெறும் குத்துச்சண்டை காலிறுதியில் லவ்லினா போர்கோஹைன், சீனாவின் LI QUIAN-க்கு எதிராக களமிறங்க உள்ளார். கடந்த முறை பதக்கம் வென்ற லவ்லீனா இந்த போட்டியில் வென்றால் பதக்கத்தை உறுதி செய்வார்.
மாலை 3.30 மணிக்கு நடைபெறும் பேட்மின்டன் ஒற்றையர் அரை இறுதி போட்டியில் இந்திய வீரர் லக்சயா சென் இரண்டாம் நிலை வீரரான விக்டர் AXELSEN உடன் மோதுகிறார்.
3.35 மணிக்கு நடைபெறும் பாய்மர படகு போட்டியில் விஷ்ணு சரவணன், மாலை 6.05 க்கு நடைபெறும் மகளிர் பாய்மர படகு போட்டியில் நேத்ரா குமணன் ஆகியோர் விளையாட உள்ளனர்.
