சென்னை அணி வீரர் இம்ரான் தாஹீர் ஐபில் போட்டி ட்விட்டரில் பதிவிட்ட கருத்து தற்போது சமூக வலைதளங்களில் பரவி வருகிறது.
கிரிக்கெட் ரசிகர்கள் ஆவலுடன் எதிர்பார்த்து காத்துக்கொண்டிருக்கும் ஐபிஎல் போட்டிகள் வரும் 19ஆம் தேதி நடைபெற உள்ளது. துபாயில் நடக்கும் இத்தொடரின் முதல் ஆட்டத்தில் சென்னை அணியும், மும்பை அணியும் மோத இருக்கின்றன. இதற்காக இரு அணிகளும் தீவிர பயிற்சி எடுத்து வருகின்றன. இந்நிலையில் சென்னை அணியின் வீரர் இம்ரான் தாஹீர் அவரது ட்விட்டர் பக்கத்தில் ஒரு பதிவை வெளியிட்டிருந்தார்.
அதில் அவர் “என் இனிய தமிழ் மக்களே, தஞ்சமடைந்தேன் அன்பு இல்லத்தில் (துபாய்). போட்டிகள் துவங்க இன்னும் ஒரு வாரம் இருக்கும் தருவாயில் நாங்கள் வேட்டைக்கு தயார், நீங்கள் ஆட்டத்தைக் காணத் தயாரா? எடுடா வண்டிய பொடுடா விசில்” என்று பதிவிட்டுள்ளார். இந்தப் பதிவு தற்போது சமூக வலைதளங்களில் பகிரப்பட்டு வருகிறது.
