இந்திய கிரிக்கெட் வாரியத்தின் நிரந்திர உறுப்பினர் அந்தஸ்தை மும்பை, பரோடா, சவுராஷ்ட்ரா கிரிக்கெட் சங்கங்கள் இழந்தன.
உச்சநீதிமன்றத்தால் நியமிக்கப்பட்ட பிசிசிஐ நிர்வாகக்குழு டெல்லியில் நேற்று கூடி இந்த முடிவை எடுத்தது. மும்பை, பரோடா, சவுராஷ்ட்ரா கிரிக்கெட் சங்கங்கள், துணை அமைப்புகளாக மட்டுமே இனி செயல்பட முடியும். இதன்மூலம் நிர்வாகிகளுக்கானத் தேர்தலில், துணை அமைப்புகளால் வாக்களிக்க இயலாது.
மணிப்பூர், மேகாலயா, மிசோரம், நாகாலாந்து, அருணாச்சல பிரதேசம், சிக்கம் ஆகிய மாநில கிரிக்கெட் சங்கங்கள் நிரந்தர உறுப்பினர் அந்தஸ்தை பெற்றன. இதேபோல் உத்தரகாண்ட், தெலங்கானா ஆகிய மாநிலங்களுக்கும் நிரந்தர உறுப்பினர் அந்தஸ்து வழங்கப்பட்டுள்ளது. பீகார் கிரிக்கெட் சங்கத்துக்கும் வாக்களிக்கும் உரிமை மீண்டும் வழங்கப்பட்டுள்ளது. மாநிலத்துக்கு ஒரு கிரிக்கெட் சங்கம் என்ற லோதாக்குழுவின் பரிந்துரையின் அடிப்படையில் இந்த முடிவு எடுக்கப்பட்டுள்ளது.
