ஐபிஎல் கிரிக்கெட் தொடரில் இன்று நடைபெறும் போட்டியில் மும்பை இண்டியன்ஸ் மற்றும் சன்ரைசர்ஸ் ஹைதராபாத் அணிகள் பலப்பரீட்சை நடத்துகின்றன.
மும்பை வான்கடே மைதானத்தில் இரவு 8 மணிக்கு போட்டி தொடங்குகிறது. நடப்பு சீசனில் இவ்விரு அணிகள் இடையே கடந்த 12ஆம் தேதி நடந்த போட்டியில் ஹைதராபாத் அணி வெற்றி பெற்றது. 5 போட்டிகளில் விளையாடியுள்ள நடப்புச் சாம்பியனான மும்பை அணி, ஒன்றில் மட்டுமே வெற்றி பெற்றுள்ளது. முதல் 3 போட்டிகளில் தொடர்ந்து வெற்றியை வசமாக்கியிருந்த ஹைதராபாத் அணி, கடைசியாக விளையாடிய 2 ஆட்டங்களில் தோல்வியை சந்தித்தது. மீண்டும் வெற்றிப் பாதைக்கு திரும்பும் முனைப்பில் மும்பை மற்றும் ஹைதராபாத் அணி வீரர்கள் பயிற்சி மேற்கொண்டு வருகின்றனர்.
