ஆசிய குத்துச்சண்டைப் போட்டியில் இந்திய வீராங்கனை மேரி கோம் சாம்பியன் பட்டம் வென்றுள்ளார்.
மகளிர் ஆசிய சாம்பியன்ஷிப் குத்துச்சண்டை போட்டி வியட்நாமில் நடைபெற்று வருகிறது. இதில் 48 கிலோ எடைப்பிரிவில் பங்கேற்ற மேரிகோம் அரையிறுதியில் ஜப்பான் வீராங்கனை சுபுசா கொமுராவை வீழ்த்தியதன் மூலம் இறுதிபோட்டிக்கு முன்னேறினார். 48 கிலோ எடைப்பிரிவுக்கான இறுதிப் போட்டியில் வடகொரியாவின் கிம் ஹியாங் மியை வீழ்த்தினார். இதன் மூலம் ஆசிய குத்துச்சண்டையில் ஐந்தாவது முறையாக மேரி கோம் தங்கப்பதக்கம் வென்று சாதனை படைத்துள்ளார்.
மேரிகோமுக்கு தனது ட்விட்டர் பக்கத்தில் வாழ்த்து தெரிவித்துள்ள நடிகர் அரவிந்த் சாமி, வியத்தகு வீராங்கனை என புகழாரம் சூட்டியுள்ளார்.
