வியட்நாமில் நடைபெறும் மகளிர் ஆசிய சாம்பியன்ஷிப் குத்துச்சண்டையில் இந்தியாவின் மேரிகோம், சோனியா லேதர் ஆகியோர் இறுதிப்போட்டிக்கு முன்னேறியுள்ளனர்.
மகளிர் ஆசிய சாம்பியன்ஷிப் குத்துச்சண்டை போட்டி வியட்நாமில் நடைபெற்று வருகிறது. இதில் 48 கிலோ எடைப்பிரிவில் பங்கேற்ற மேரிகோம் அரையிறுதியில் ஜப்பான் வீராங்கனை சுபுசா கொமுராவை எளிதில் வீழ்த்தினார். இறுதிப்போட்டியில் வடகொரியாவின் கிம் ஹியாங் மியை எதிர்த்து மேரிகோம் விளையாட உள்ளார். 57 கிலோ எடைப்பிரிவில் பங்கேற்ற சோனியா லேதர் அரையிறுதியில், உஸ்பெகிஸ்தான் வீராங்கனை மிர்செவாவை தோற்கடித்தார். தங்கப்பதக்கத்திற்கான போட்டியில் சீன வீராங்கனை யின் ஜின்ஹுவா உடன் சோனியா லேதர் மோதவுள்ளார்.
