ஐஎஸ்எல் கால்பந்து: முதலிடத்திற்கு முன்னேறும் முனைப்பில் சென்னை

ஐஎஸ்எல் கால்பந்து தொடரில் இன்று நடைபெறும் ஆட்டத்தில் சென்னையின் எஃப் சி அணி, மும்பை சிட்டி அணியை எதிர்த்து விளையாடுகிறது. 

நான்காவது சீசன் ஐஎஸ்எல் கால்பந்து தொடர் இந்தியாவில் நடைபெற்று வருகிறது. தற்போது லீக் சுற்று போட்டிகள் நடைபெற்று வருகிறது. மும்பையில் இன்று நடைபெறும் போட்டியில் சென்னையின் எஃப் சி அணி மும்பை சிட்டி அணியை எதிர்கொள்கிறது. இந்தப்போட்டி இரவு 8 மணிக்குத் தொடங்குகிறது. சென்னை அணி லீக் சுற்றில் இதுவரை 4 போட்டிகளில் விளையாடியுள்ளது. அதில் 3ல் வெற்றியும் ஒரு போட்டியில் தோல்வியடைந்து 9புள்ளிகளுடன் மூன்றாவது இடத்தில் உள்ளது.இன்று நடைபெறும் போட்டியில் சென்னை அணி வெற்றி பெற்றாலோ அல்லது சமன் செய்தாலோ புள்ளிகள் பட்டியலில் முதலிடத்திற்கு முன்னேறும்.

முன்னதாக மாலை ஐந்தரை மணிக்கு நடைபெறும் ஆட்டத்தில் ஜாம்ஷெட்பூர் அணி, புனே சிட்டி எஃப் சி அணியை எதிர்த்து விளையாடுகிறது.