தனது குடும்பத்தினர் மற்றும் நண்பர்களுடன் கொல்லி மலைக்கு சுற்றுலா சென்றுள்ளார் கிரிக்கெட் வீரர் நடராஜன்.
சமீபத்தில் நடைபெற்ற இங்கிலாந்துக்கு எதிரான கடைசி மற்றும் மூன்றாவது ஒருநாள் போட்டியில் இந்திய அணி வெற்றி பெற்றது. இந்த வெற்றியில் முக்கிய பங்காற்றிய நடராஜன் வெற்றிக் களிப்புடன், சொந்த ஊரான சின்னப்பம்பட்டிக்கு சென்றுள்ளார். சென்ற கையோடு மஹிந்திரா நிறுவனம் தனக்கு பரிசளித்த ‘தார்’காரை தனது பயிற்சியாளர் ஜெயபிரகாஷுக்கு பேரன்போடு பரிசளித்து நெகிழ்ச்சியூட்டினார். பின்னர், தனது மனைவி மற்றும் மகள், நண்பர்களுடன் நாமக்கல் மாவட்டத்திலுள்ள பிரபல சுற்றுலாத் தலமான கொல்லிமலைக்கு சுற்றுலா சென்றுள்ளார்.
அங்கு அவர் எடுத்துக்கொண்ட புகைப்படங்களை தனது இன்ஸ்டாகிராம் பக்கத்தில் பகிர்ந்து “வாழ்க்கை என்பது நல்ல நண்பர்களும் சாகசங்களும்தான்” என்று பதிவிட்டுள்ளார்.
ஒரு நாள் தொடரில் வெற்றிக்கு பிறகு கேப்டன் கோலி நடராஜனை ஆரத்தழுவி பாராட்டினார் என்பது குறிப்பிடத்தக்கது.
