புவனேஸ்வரத்தின் கலிங்கா மைதானத்தில் நடைபெற்ற போட்டியில், பி பிரிவில் இடம்பெற்றுள்ள இந்தியாவும், கனடாவும் பலப்பரீட்சை நடத்தின. தொடக்கம் முதலே ஆதிக்கம் செலுத்திய இந்திய அணி, அடுத்தடுத்து கோல் மழை பொழிந்தது. துணை கேப்டன் சஞ்சய் மற்றும் அரஜித் சிங் ஆகியோர் தலா 3 கோல்கள் அடித்தனர். இந்திய அணி 13 கோல்கள் அடித்த நிலையில், கனடா ஒரே ஒரு கோல் மட்டுமே அடித்தது. தொடக்க ஆட்டத்தில் இந்திய அணி பிரான்சிடம் 4க்கு5 என்ற கோல் கணக்கில் தோல்வியடைந்திருந்தது.
