பாகிஸ்தானுக்காக நேர்மையுடனும் கடும் உழைப்புடனும் விளையாடியதாக அந்த அணியின் முன்னாள் சுழற்பந்து வீச்சாளர் டேனிஷ் கனேரியா தெரிவித்துள்ளார்.
யூ டியூப் வீடியோ ஒன்றில் பேசிய அவர், 10 ஆண்டுகால கிரிக்கெட் பயணத்தில் சகவீரர்கள் மத்தியில் மிகுந்த பாகுபாட்டை எதிர்கொண்டதாகவும், ஆனால் அதன் தாக்கத்தை போட்டியின் மீது காட்டாமல் முழு மனதோடு அணிக்காக விளையாடியதாகவும் கூறினார். சூதாட்ட புகாரில் ஆயுட்கால தடை விதிக்கப்பட்ட போது தனக்கு உதவ பாகிஸ்தான் கிரிக்கெட் வாரியமும் அரசாங்கமும் முன்வரவில்லை என்றும் டேனிஷ் கனேரியா குற்றம்சாட்டினார்.
டேனிஷ் கனேரியா ஒரு இந்து என்பதால் அவருக்கு அணியில் அநீதிகள் நேர்ந்ததாக, பாகிஸ்தான் அணியின் முன்னாள் வீரர் சோயப் அக்தர் இரு தினங்களுக்கு முன் கூறியிருந்தார்.
