சென்னை அணியில் இருந்து விடுவிக்கப்பட்ட கேதர் ஜாதவை சன்ரைசர்ஸ் ஹைதராபாத் அணி ஏலத்தில் எடுத்துள்ளது.
2021-ஆம் ஆண்டுக்கான ஐபிஎல் தொடர் ஏப்ரல் மாதம் தொடங்கும் என எதிர்பார்க்கப்படுகிறது. இந்நிலையில் ஐபிஎல் அணிகளுக்கு வீரர்களை தேர்ந்தெடுப்பதற்கான மினி ஏலம் இன்று சென்னையில் நடைபெற்றது. ஐபிஎல் வரலாற்றில் கடந்தாண்டு மோசமாக விளையாடியதால் அணியில் இருந்து வெளியேற்றப்பட்ட கேதர் ஜாதவ், இந்த ஏலத்தில் பங்கேற்றார்.
முதல் சுற்றில் கேதர் ஜாதவை எந்த அணியும் ஏலத்தில் எடுக்க முன் வரவில்லை. இருப்பினும், இரண்டாவது ரவுண்டில் கேதர் ஜாதவை அடிப்படை விலையான 2 கோடிக்கு சன்ரைசர்ஸ் ஹைதராபாத் அணி ஏலத்தில் எடுத்துள்ளது. அதேபோல், சென்னை அணியில் இருந்து விடுவிக்கப்பட்ட ஹர்பஜன் சிங்கை கொல்கத்தா நைட் ரைடர்ஸ் அணி ஏலத்தில் எடுத்தது. இறுதிக்கட்ட ஏலத்தில் அடிப்படை விலையான 2 கோடி ரூபாய்க்கு அவரை வாங்கியுள்ளது.
கடந்த ஐபிஎல் தொடரில் சென்னை அணிக்காக 8 போட்டிகளில் விளையாடிய கேதர் ஜாதவ் 62 ரன்கள் மட்டுமே எடுத்தார். அதற்கு முன்பு 2019 ஐபிஎல் சீசனில் 14 போட்டிகளில் விளையாடி 162 ரன்களே எடுத்தார்.
