இந்திய அணியில் மீண்டும் வாஷிங்டன் சுந்தர்: இங்கிலாந்து முதலில் பேட்டிங்

குஜராத் மாநிலம் அகமதாபாத்தில் இந்தியாவுக்கு எதிரான 3-ஆவது டெஸ்ட் போட்டியில், டாஸ் வென்ற இங்கிலாந்து அணி முதலில் பேட்டிங் செய்கிறது.

இந்தியா - இங்கிலாந்து அணிகள் இடையிலான 4 டெஸ்ட் போட்டிகள் கொண்ட தொடர் நடைபெற்று வருகிறது. இதில் முதல் இரண்டு போட்டிகள் சென்னையில் நடைபெற்றது. அதில் முதல் போட்டியில் இங்கிலாந்தும், இரண்டாவதுப் போட்டியில் இந்தியாவும் வென்றது. இந்நிலையில் உலகின் மிகப்பெரிய கிரிக்கெட் மைதானமான நரேந்திர மோடி ஸ்டேடியத்தில் இன்று 3 ஆவது டெஸ்ட் போட்டி நடைபெறுகிறது.

இதில் டாஸ் வென்ற இங்கிலாந்து கேப்டன் ஜோ ரூட் முதலில் பேட்டிங் செய்ய தீர்மானித்துள்ளார். இந்திய அணியில் சிராஜூக்கு பதிலாக பும்ராவும், குல்தீப் யாதவுக்கு பதிலாக வாஷிங்டன் சுந்தரும் சேர்க்கப்பட்டுள்ளனர்.

இங்கிலாந்து அணி: டோம் சிப்லே, ஜாக் கிராவ்லி, ஜானி பேரிஸ்டோ, ஜோ ரூட், பென் ஸ்டோக்ஸ், ஒல்லி போப், பென் ஃபோக்ஸ், ஜோப்ரா ஆர்ச்சர், ஜாக் லீச், ஸ்டூவர்ட் பிராட், ஆண்டர்சன்.

இந்திய அணி: ரோகித் சர்மா, சுப்மன் கில், புஜாரா, கோலி, ரஹானே, ரிஷப் பன்ட், வாஷிங்டன் சுந்தர், அஸ்வின், அக்ஸர் படேல், இஷாந்த் சர்மா, பும்ரா.