இந்தியா - தென் ஆப்பிரிக்கா இடையேயான முதல் டெஸ்ட் போட்டியில் உணவு இடைவேளை வரை இந்தியா விக்கெட் இழப்பின்றி 91 ரன்கள் எடுத்துள்ளது
இந்தியா - தென் ஆப்பிரிக்கா இடையேயான முதல் டெஸ்ட் போட்டி விசாகப்பட்டினத்தில் டாக்டர் ஒய்.எஸ்.ராஜசேகர் ரெட்டி மைதானத்தில் இன்று காலை 9.30 மணிக்கு தொடங்கியது. இந்தப் போட்டியில் டாஸ் வென்ற இந்தியக் கேப்டன் விராட் கோலி பேட்டிங் செய்ய தீர்மானித்தார். தொடக்க ஆட்டக்காரர்களாக ரோஹித் சர்மா மற்றும் மயாங் அகர்வால் களம் இறங்கினர். உணவு இடைவேளை வரையில் இந்தியா விக்கெட் ஏதும் இன்றி 91 ரன்கள் எடுத்துள்ளது. ரோஹித் சர்மா 84 பந்துகளை சந்தித்து 52 ரன்கள் எடுத்துள்ளார். மயாங் அகர்வால் 96 பந்துகளை சந்தித்து 39 ரன்களை எடுத்து களத்தில் உள்ளனர்.
