நிர்வாகம் மற்றும் நிதிபங்கீடு தொடர்பாக சர்வதேச கிரிக்கெட் கவுன்சில் முன்வைத்த புதிய திட்டங்களுக்கு பிசிசிஐ எதிர்ப்பு தெரிவித்துள்ளது.
துபாயில் இதுதொடர்பாக நடத்தப்பட்ட வாக்கெடுப்பில் இந்திய கிரிக்கெட் வாரியம் எதிராக வாக்களித்தது. இந்தியாவுடன் இணைந்து இலங்கை கிரிக்கெட் வாரியமும் எதிர்ப்பு தெரிவித்தது. பாகிஸ்தான், நியூசிலாந்து, தென்னாப்பிரிக்கா, வெஸ்ட் இண்டீஸ், இங்கிலாந்து, ஆஸ்திரேலிய ஆகியவை ஆதரவாக வாக்களித்தன. பெருவாரியான கிரிக்கெட் வாரியங்கள் ஆதரவளித்ததால், வரும் ஏப்ரல் மாதம் நடைபெறும் ஐசிசி கூட்டத்தில் நிர்வாகம் மற்றும் நிதிபங்கீடு தொடர்பான புதிய தீர்மானம் நிறைவேற்றப்படுகிறது.
