அபுதாபியில் நடப்பு ஐபிஎல் சீஸனின் 21-வது லீக் ஆட்டத்தில் சென்னை சூப்பர் கிங்ஸ் அணியும், கொல்கத்தா நைட் ரைடர்ஸ் அணியும் மோத உள்ளன.
தோல்வியிலிருந்து வெற்றி பாதைக்கு திரும்பியுள்ள சென்னை அணி புள்ளிப் பட்டியலில் பெரிய தாக்கத்தை ஏற்படுத்தியுள்ளது. அதே நேரத்தில் கொல்கத்தா அணியும் இந்த ஆட்டத்தில் வெல்லும் நோக்கத்தோடு விளையாட உள்ளது. இந்த ஆட்டத்தில் இரு அணிகளையும் சேர்ந்த சில வீரர்களுக்கு இடையில் தான் ஆட்டமே உள்ளது. அந்த வீரர்கள் யார்?
ஷேன் வாட்சன் VS பேட் கம்மின்ஸ்
கொல்கத்தாவுக்கு டேஞ்சர் மேனாக பார்க்கப்படுகிறார் ஃபார்முக்கு திரும்பியுள்ள வாட்சன். அவர் களத்தில் நின்று விளையாடினால் பெரிய ஸ்கோரை எடுக்க வாய்ப்புள்ளதால் வாட்சனுக்கு கம்மின்ஸின் பந்து வீச்சின் மூலம் தினேஷ் கார்த்திக் ட்ரபுள் கொடுக்கலாம்.
ராஜஸ்தான் மற்றும் ஹைதராபாத் அணிக்கு எதிராக கம்மின்ஸ் சிறப்பாக பந்து வீசியிருந்தது குறிப்பிடத்தக்கது.
இயன் மோர்கன் VS பியூஷ் சாவ்லா
கொல்கத்தா அணியின் மிடில் ஆர்டர் நம்பிக்கையாக பார்க்கப்படும் மோர்கன் சென்னை அணியின் ஸ்பின் டிப்பார்ட்மெண்டை அப்செட் செய்வார் என எதிர்பார்க்கப்படுகிறது.
சுழற்பந்து வீச்சை அபாரமாக விளையாடும் மோர்கன் பியூஷ் சாவ்லாவின் பந்தை துவம்சம் செய்யலாம்.
அதே நேரத்தில் அனுபவத்தை கொண்டு சாவ்லாவும் மோர்கனுக்கு நல்ல டஃப் கொடுக்கலாம்.
சுப்மன் கில் VS தீபக் சஹார்
கொல்கத்தாவின் ஓப்பனிங் பேட்ஸ்மேன் சுப்மன் கில்லுக்கும், சென்னையின் பவுலர் தீபக் சஹாருக்கும் இடையே ஆட்டம் செமையாக இருக்கலாம். இதில் பேட்ஸ்மேன் சுப்மன் கில்லின் கை ஓங்கியுள்ளது.
இவர்கள் மட்டுமல்லாது சென்னைக்காக டூ ப்ளஸிஸ், சாம் கர்ரன், பிராவோ அசத்தலாம்.
