![கோலி, ஹர்திக் பாண்டியா](http://media.assettype.com/puthiyathalaimurai%2F2023-10%2F545021e5-2f51-451d-b671-2fa485d1d1e4%2Fhar.png?rect=0%2C0%2C800%2C450&w=480&auto=format%2Ccompress&fit=max)
வங்கதேசத்திற்கு எதிரான போட்டியில் ஹர்திக் பாண்டியா, சறுக்கி விழுந்ததில் கணுக்காலில் காயமடைந்து சிகிச்சை பெற்று வருகிறார். காயத்திலிருந்து அவர் முழுமையாக மீளாததால் மேலும் 2 அல்லது 3 போட்டிகளில் விளையாட இயலாத நிலை உள்ளதாக தேசிய கிரிக்கெட் அகாடமி வட்டாரங்கள் தெரிவிக்கின்றன.
பாண்டியா முழுமையாக குணமடைய அவகாசம் அளிக்கலாம் என்றும், நாக் அவுட்சுற்றுக்கு அவர் முழு உடல் தகுதி அடைய வேண்டும் என்பதால் அடுத்த 2 அல்லது 3 போட்டிகளில் ஓய்வளிக்கலாம் என்றும் அணி நிர்வாகம் கருதுவதாக தகவல்கள் வெளியாகியுள்ளன.
ஹர்திக் பாண்டியா சேர்க்கப்படாத பட்சத்தில் சூர்யகுமார் யாதவுக்கு மேலும் சில போட்டிகளில் வாய்ப்பு கிடைக்க கூடும் என கூறப்படுகிறது.