இந்தியாவுக்கு எதிரான ஒருநாள் தொடரை 27 ஆண்டுகளுக்கு பிறகு இலங்கை கைப்பற்றியுள்ளது. கொழும்பு மைதானத்தில் நடைபெற்ற இரு அணிகள் இடையிலான 3 ஆவது ஒருநாள் போட்டியில் டாஸ் வென்று இலங்கை முதலில் பேட்டிங் செய்தது.
50 ஓவர்கள் முடிவில் அந்த அணி 7 விக்கெட்களை இழந்து 248 ரன்கள் எடுத்தது. அந்த அணியில் அதிகளவாக அவிஷ்கா 96 ரன்கள் குவித்தார். இந்தியா தரப்பில் ரியான் பராக் 3 விக்கெட்களை வீழ்த்தினார். இதனையடுத்து 249 ரன்கள் என்ற இலக்குடன் களமிறங்கிய இந்தியா தொடக்கம் முதலே விக்கெட்களை இழந்து தடுமாறியது.
26.1 ஓவரில் அனைத்து விக்கெட்களையும் இழந்து 138 ரன்களுக்கு சுருண்டது. 110 ரன்கள் வித்தியாசத்தில் தோல்வியை தழுவிய இந்தியா, ஒருநாள் தொடரையும் 2-0 என்ற கணக்கில் இழந்து 27 ஆண்டுகள் சாதனையை நழுவவிட்டது.
