![T 20 உலகக்கோப்பையுடன் இந்திய அணி](http://media.assettype.com/puthiyathalaimurai%2F2024-07%2F67221ce3-e867-423e-ac64-dc45171a8cb8%2FGRqXAx9bMAgXaEw.jpg?rect=0%2C0%2C3872%2C2178&w=480&auto=format%2Ccompress&fit=max)
2024 டி20 உலகக்கோப்பையை வென்ற இந்திய அணி, இலங்கைக்கு சுற்றுப்பயணம் செய்து ஜூலை 27 முதல் ஆகஸ்டு 7ம் வரை, 3 டி20 போட்டிகள் மற்றும் 3 ஒருநாள் போட்டிகளில் பங்கேற்று விளையாடவிருக்கிறது.
முதலில் ஒருநாள் தொடரில் மூத்த வீரர்களான ரோகித் சர்மா, விராட் கோலி மற்றும் பும்ரா மூன்று பேரும் பங்கேற்க மாட்டார்கள் எனவும், ஹர்திக் பாண்டியாவும் தனிப்பட்ட காரணங்களுக்காக பங்கேற்க மாட்டார் எனவும் கூறப்பட்டது. ஆனால் சாம்பியன்ஸ் டிராபியை எதிர்நோக்கி முழுமையான இந்திய அணியும் பங்கேற்க வேண்டுமென புதிய தலைமை பயிற்சியாளர் கவுதம் கம்பீர் கோரிக்கை வைத்ததால், இலங்கை தொடருக்கான அணித்தேர்வு கூட்டம் மூன்றுமுறை தள்ளிவைக்கப்பட்டது.
முடிவில் ரோகித் சர்மா மற்றும் விராட் கோலி இருவரும் ஒருநாள் தொடருக்கு திரும்புவார்கள் என செய்தி வெளியான நிலையில், தற்போது இலங்கை அணிக்கு எதிரான டி20 மற்றும் ஒருநாள் தொடருக்கான இந்திய அணியை பிசிசிஐ அறிவித்துள்ளது.
ஒருநாள் தொடருக்கான இந்திய அணியில் ரோகித் சர்மா மற்றும் விராட் கோலி இருவரும் திரும்பியுள்ளனர். ஜஸ்பிரித் பும்ரா மற்றும் ஹர்திக் பாண்டியா, ரவிந்திர ஜடேஜா மூன்றுபேரும் இடம்பெறவில்லை. சுப்மன் கில் துணைக்கேப்டனாக அறிவிக்கப்பட்டுள்ளார், ஸ்ரேயாஸ் ஐயர் மற்றும் கேஎல் ராகுல் அணிக்கு திரும்பியுள்ளனர். சூர்யகுமார் யாதவ், சஞ்சு சாம்சனுக்கு ஒருநாள் அணியில் இடம் கிடைக்கவில்லை, மாறாக ஹர்ஷித் ரானா மற்றும் ரியான் பாராக்கிற்கு வாய்ப்பு வழங்கப்பட்டுள்ளது.
ODI தொடருக்கு இந்திய அணி:
ரோகித் சர்மா (கேப்டன்), சுப்மன் கில் (துணை கேப்டன்), விராட் கோலி, கேஎல் ராகுல் (WK), ரிஷப் பந்த் (WK), ஷ்ரேயாஸ் ஐயர், சிவம் துபே, குல்தீப் யாதவ், முகமது சிராஜ், வாஷிங்டன் சுந்தர், அர்ஷ்தீப் சிங், ரியான் பராக், அக்சர் படேல், கலீல் அகமது, ஹர்ஷித் ரானா.
டி20 தொடருக்கான அணியில் ஹர்திக் பாண்டியா அணியில் இருந்தபோதும் சூர்யகுமார் யாதவ் கேப்டனாகவும், சுப்மன் கில் துணைக்கேப்டனாகவும் நியமிக்கப்பட்டுள்ளனர். ரிங்கு சிங், சஞ்சு சாம்சன், ஷிவம் துபே மூன்று வீரர்களும் இடம்பெற்றுள்ளனர். ரியான் பராக்கிற்கு வாய்ப்பு வழங்கப்பட்டுள்ளது. குல்தீப் யாதவிற்கு வாய்ப்பு வழங்கப்படவில்லை.
டி20 தொடருக்கு இந்திய அணி:
சூர்யகுமார் யாதவ் (கேப்டன்), சுப்மன் கில் (துணை கேப்டன்), யஷஸ்வி ஜெய்ஸ்வால், ரிங்கு சிங், ரியான் பராக், ரிஷப் பந்த் (கீப்பர்), சஞ்சு சாம்சன் (கீப்பர்), ஹர்திக் பாண்டியா, ஷிவம் துபே, அக்சர் படேல், வாஷிங்டன் சுந்தர், ரவி பிஷ்னோய், அர்ஷ்தீப் சிங் , கலீல் அகமது, முகமது சிராஜ்.
இரண்டு தொடரிலும் இடம்பெற்றுள்ள வீரர்கள்: சுப்மன் கில், ரிஷப் பண்ட், ரியான் பராக், அக்சர் படேல், வாசிங்டன் சுந்தர், கலீல் அகமது, அர்ஷ்தீப் சிங், முகமது சிராஜ்.