சென்னையில் நடைபெற்று வரும் இங்கிலாந்துக்கு எதிரான டெஸ்ட் போட்டியிலிருந்து அக்சர் படேல் காயம் காரணமாக விலகியுள்ளார்.
இங்கிலாந்து அணி இந்தியாவில் சுற்றுப்பயணம் மேற்கொண்டு 4 டெஸ்ட் போட்டிகளில் விளையாட இருக்கிறது. இதில் முதல் இரு போட்டிகள் சென்னையிலும் அடுத்த இரண்டு போட்டிகள் அகமதாபாதிலும் நடைபெற இருக்கிறது. இதற்காக அறிவிக்கப்பட்ட இந்திய அணியில் இடக்கை சுழற்பந்துவீச்சாளர் அக்சர் படேல் இருந்தார். இப்போது முதல் டெஸ்ட் போட்டி சென்னையில் நடைபெற்று வருகிறது.
இந்தப் போட்டி தொடங்குவதற்கு முன்பாக காயம் காரணமாக இடது கை சுழற்பந்து வீச்சாளர் அக்சர் படேல், முதல் டெஸ்டிலிருந்து விலகியுள்ளார். முட்டியில் ஏற்பட்ட காயம் காரணமாக அவர் விலகியுள்ளதாக பிசிசிஐ அறிவித்துள்ளது. இதனால் ஷாபாஸ் நதீம், ராகுல் சஹார் ஆகிய இருவரும் இந்திய அணியில் சேர்க்கப்பட்டுள்ளனர்.
இதில் ஷபாஸ் நதீம் முதல் டெஸ்ட் போட்டியில் விளையாடும் 11 பேர் கொண்ட அணியில் இடம்பிடித்துள்ளார். 117 முதல்தர ஆட்டங்களில் விளையாடியுள்ளார் ஷாபாஸ் நதீம்.
