ஆசியக் கோப்பை ஹாக்கிப் போட்டியில் இந்திய அணி இறுதிபோட்டிக்கு முன்னேறியது.
ஆசியக் கோப்பை ஹாக்கிப் போட்டி பங்களாதேஷ் தலைநகர் டாக்காவில் நடைப்பெற்று வருகிறது. இதில் ஏ பிரிவில் இடம்பெற்றிருந்த இந்திய அணி, லீக் சுற்றில் விளையாடிய அனைத்து போட்டிகளிலும் வெற்றி பெற்று சூப்பர் 4 சுற்றுக்கு தகுதி பெற்றது. சூப்பர் 4 சுற்றுக்கான கடைசிப் போட்டியில் இன்று இந்தியா - பாகிஸ்தான் அணிகள் மோதின. இதில் தொடக்கம் முதலே சிறப்பான ஆட்டத்தை வெளிப்படுத்திய இந்திய அணி 4-0 என்ற கோல் கணக்கில் பாகிஸ்தானை பந்தாடியது. இந்திய அணியில் குர்ஜித்சிங் 2 கோல்களும், ஹர்மன் பிரீத், லலித் உபாத்யாய் தலா ஒரு கோலும் அடித்தனர். சூப்பர் 4 சுற்றில் முதலிடம் பிடித்து இந்திய அணி இறுதிபோட்டிக்கு முன்னேறியது.
