வங்கதேச அணிக்கெதிரான 2 நாள் பயிற்சிப் போட்டியில் இந்திய ஏ அணிக்கு தமிழக வீரர் அபினவ் முகுந்த் கேப்டனாக செயல்படுவார் என்று அறிவிக்கப்பட்டுள்ளது.
இந்தியா வரும் வங்கதேச அணி ஹைதராபாத்தில் இந்திய அணிக்கெதிராக பிப்ரவரி 9ம் தேதி தொடங்கும் ஒரே ஒரு டெஸ்ட் போட்டியில் பங்கேற்கிறது. இந்த போட்டிக்கு முன்னதாக இந்திய ஏ அணியுடன் பிப்ரவரி 5 மற்றும் 6 ஆகிய தேதிகளில் நடக்கும் 2 நாட்கள் பயிற்சிப் போட்டியில் பங்கேற்கிறது. செகந்திரபாத்தில் நடக்கும் இந்த போட்டிக்கான அபினவ் முகுந்த் தலைமையிலான 14 பேர் கொண்ட இந்திய ஏ அணி தற்போது அறிவிக்கப்பட்டுள்ளது. அபினவ் முகுந்த் ரஞ்சிக் கோப்பை போட்டிகளில் தமிழக அணியின் கேப்டனாக செயல்பட்டு வருவது குறிப்பிடத்தக்கது.
இந்திய ஏ அணி வீரர்கள் விபரம்:
அபினவ் முகுந்த் (கேப்டன்), பிரியங்க் கிரித் பஞ்சால், ஸ்ரேயாஸ் ஐயர், இஷாங்க் ஜக்கி, ரிஷாப் பாண்ட், இஷான் கிஷான், விஜய் சங்கர், ஹர்திக் பண்ட்யா, ஷபாஸ் நதீம், ஜெயந்த் யாதவ், குல்தீப் யாதவ், அங்கித் சவுத்ரி, சிவி மிலிந்த், நிதின் சய்னி.
