[X] Close

“அறிவிக்கப்படாத மின்வெட்டை கைவிடுக” - ஸ்டாலின்

Dmk-leader-MK-Stalin-accused-undeclared-power-cut-in-tamilnadu

தமிழகத்தில் அறிவிக்கப்படாத மின்வெட்டை உடனடியாக கைவிட வேண்டும் என திமுக தலைவர் மு.க.ஸ்டாலின் வலியுறுத்தியுள்ளார்.‌


Advertisement

இது தொடர்பாக ‌அவர்‌ வெளியிட்டுள்‌ள ‌அறிக்கையில், மின் உற்பத்தி மற்றும் மின் ‌பகிர்மான கழகத்தில் நடைபெற்றுள்ள ஊழல், முறைகேடுகள் காரணமாக தமிழகத்தில் ஆங்காங்கே அறிவிக்கப்படாத மின்வெட்டு அமலுக்கு வந்து கொண்டிருப்பதாக வரும் தகவல்‌கள் அதிர்ச்சி அளிப்பதாக கூறியுள்ளார். வெளிச்சம் ‌தரும் மின்‌‌ பகிர்‌மானக் கழகத்தையே, மின்துறை அமைச்சர் தங்‌கமணி இருட்டுக்குள் தள்ளிவிட்டதாக‌‌ ஸ்டாலின் குறைகூறியுள்ளார். 

பராமரிப்பு , பழுது என்ற‌‌ போர்வையில் ஏற்படும் அறிவிக்கப்படாத மின்வெட்டால் மக்கள் பாதிப்புக்கு உள்ளாகி இருப்பதாகக் குற்றம்சாட்டிய ஸ்டாலின், இதுபோன்ற மின்வெட்டை உடனடியாகக் கைவிட வேண்டும் என வலியுறுத்தியுள்ளார்.‌ மின் பகிர்மானக் கழகத்தில் அதிமுக உருவாக்கியுள்ள நிதி நெருக்கடியை நீக்கி, மின் உற்பத்தியில் அதிக கவனம் செலுத்தி, மின் பற்றாக்குறையைப் போக்க நடவடிக்கை எடுக்க வேண்டும் என்றும் வலியுறுத்தியுள்ளார்.


Advertisement

வீடியோ


Advertisement

Advertisement
[X] Close