[X] Close

தினகரனுக்கு அதிகாரமில்லை : வரிந்துகட்டும் ஜெயக்குமார்!

Dinakaran-does-not-have-the-power--Jayakumar

பொதுக்குழுவை கூட்டுவதற்கு எதிர்ப்பு தெரிவிக்க, தினகரனுக்கு அதிகாரமில்லை என்று மீன்வளத்துறை அமைச்சர் ஜெயக்குமார் தெரிவித்துள்ளார். 

இதுதொடர்பாக செய்தியாளர்களிடம் பேசிய அவர், ஜெயலலிதாவால் ஒதுக்கப்பட்ட குடும்பத்தை சேர்ந்தவரே தினகரன் என்றும், பொதுக்குழுவை எதிர்த்து வழக்கு தொடர தினகரனுக்கு முகாந்திரம் இல்லை என்றும் கூறினார். அத்துடன் 3ல் ஒரு பங்கு உறுப்பினர்களின் அனுமதியோடு தான் பொதுக்குழு கூட்டப்படுவதாகவும், அதிமுக 100 சதவித ஒற்றுமையோடு செயல்படுவதாகவும் அவர் குறிப்பிட்டார்.

முன்னதாக தினகரன் வெளியிட்டிருந்த அறிக்கையில் முதலமைச்சர் பழனிச்சாமி அணியினர் கூட்டும் பொதுக்குழுவிற்கு கடும் எதிர்ப்பு தெரிவித்திருந்தார். அத்துடன் பொதுக்குழுவையும், செயற்குழுவையும் பொதுச் செயலாளர் மட்டுமே கூட்ட முடியும் என்றும், சசிகலா கூட்டும் பொதுக்குழு கூட்டத்திற்கு மட்டுமே சட்ட அங்கீகாரம் உண்டு என்றும் தினகரன் தெரிவித்திருந்தார். இந்நிலையில் தினகரன் அறிக்கைக்கு எதிர்ப்பு தெரிவிக்கும் வகையில், அமைச்சர் ஜெயக்குமார் பேசியுள்ளார்.


Advertisement
Related Tags : JayakumarAdmkAIADMKTTVDhinakaran

Advertisement

Advertisement
[X] Close