[X] Close

10 மாவட்டங்களில் இன்று கனமழைக்கு வாய்ப்பு

தமிழ்நாடு

Meteorological-Department-has-forecast-heavy-rains-with-thunder-and-lightning-in-10-districts-in-Tamil-Nadu-today

இலங்கையின் மீது நிலை கொண்டுள்ள வளிமண்டல மேலடுக்கு சுழற்சி மற்றும் வெப்பச்சலனம் காரணமாக தமிழகத்தில் இன்று 10 மாவட்டங்களில் இடி மின்னலுடன் கன மழை பெய்யும் என வானிலை ஆய்வு மையம் தெரிவித்துள்ளது.


Advertisement

சென்னை வானிலை மையம் வெளியிட்டுள்ள அறிவிப்பில், சேலம், விழுப்புரம், தருமபுரி, கள்ளக்குறிச்சி, நீலகிரி, கோயம்புத்தூர், தேனி, திண்டுக்கல், மதுரை, ஈரோடு மாவட்டங்களில் ஓரிரு இடங்களில் இடி மின்னலுடன் கூடிய கன மழையும், ஏனைய மாவட்டங்கள் மற்றும் புதுவை, காரைக்கால் பகுதிகளில் ஒருசில இடங்களில் இடி மின்னலுடன் கூடிய லேசானது முதல் மிதமான மழையும் பெய்யக்கூடும் என்றும் தெரிவித்துள்ளது.

சென்னையில் சில பகுதிகளில் இடி மின்னலுடன் கூடிய லேசான மழை பெய்யக்கூடும் என்றும் கூறப்பட்டுள்ளது. சனிக்கிழமை காலை எட்டரை மணியுடன் நிறைவடைந்த 24 மணி நேரத்தில், காஞ்சிபுரம் மற்றும் செஞ்சியில் தலா 7 சென்டி மீட்டர் மழை பதிவாகியுள்ளது. மன்னார் வளைகுடா பகுதிகளில் பலத்த காற்று வீசக்கூடும் என்றும் அப்பகுதிக்குச் செல்லும் மீனவர்கள் எச்சரிக்கையுடன் இருக்குமாறும் அறிவுறுத்தப்பட்டுள்ளனர்.


Advertisement

Advertisement

Advertisement
[X] Close