[X] Close

கொரோனா மருத்துவமனையில் நிர்வாணமாக கிடக்கும் நோயாளிகள்: ஒடிசாவில் அதிர்ச்சி!

இந்தியா,கொரோனா வைரஸ்

COVID19-patients-lying-naked-on-hospital-floor-in-Odisha

ஒடிசாவில் கொரோனா மருத்துவமனையில் நோயாளிகள் நிர்வாணமாக தரையில் படுத்திருந்ததாக புகைப்படங்கள் மற்றும் வீடியோக்கள் வெளியாகியிருப்பது பரபரப்பை ஏற்படுத்தியுள்ளது.


Advertisement

இந்த வீடியோக்கள் மற்றும் புகைப்படங்கள் மாவட்ட தலைமையக நகரமான பாரிபாடா அருகே பாங்கிசோலில் அமைக்கப்பட்ட பிரத்யேக கொரோனா மருத்துவமனையில் ஒரு நோயாளியின் உதவியாளரால் எடுக்கப்பட்டது.

மயூர்பஞ்ச் நிர்வாகம் கடந்த ஆண்டு கலிங்க மருத்துவ அறிவியல் கழகத்துடன் (கிம்ஸ்) புரிந்துணர்வு ஒப்பந்தத்தில் கையெழுத்திட்டது. கொரோனாவின் முதல் அலை ஓய்ந்த பிறகு மூடப்பட்ட பிரத்யேக மருத்துவமனை அடுத்த அலை தொடங்கியதும் மீண்டும் செயல்பாட்டிற்கு வந்தது.


Advertisement

image

இந்நிலையில்தான் இந்த மருத்துவமனையில் கொரோனா நோயாளிகள் நிர்வாணமாக தரையில் படுத்து உறங்கும் வீடியோ மற்றும் புகைக்கப்படங்கள் வெளியாகி பரபரப்பை கிளப்பியது. இதுகுறித்து வீடியோவை எடுத்த அஜித் சாஹா என்ற நபர் கூறுகையில் “நான் மே 19 அன்று எனது தந்தையை மருத்துவமனைக்கு அழைத்துச் சென்றிருந்தேன், அவரை கவனிப்பதற்காக நான் அங்கேயே தங்கியிருந்தேன். கழிவறையில் கிடந்த மக்கள் உயிரிழப்பதை நான் கண்டேன். இங்கு வரும் மக்களுக்கு உணவு கிடைக்கவில்லை. கழிவறைக்கு செல்ல முடியவில்லை.

சரியான கவனிப்பு இல்லாமல் அவர்கள் உயிர்களை இழந்து கொண்டிருந்தனர். மருத்துவமனை ஊழியர்கள் அவ்வப்போது மட்டுமே வார்டுக்கு வருகிறார்கள். மே 19 முதல் 29 வரை மட்டுமே நான்கு பேர் இவ்வாறு உயிரிழந்தனர். மருத்துவர்கள் ஒரு நாளைக்கு இரண்டு முறை நோயாளிகளைப் பார்க்க வருகிறார்கள். ஆனால் அனைவருக்கும் கவனிப்பு அளிக்க போதுமான ஊழியர்கள் இல்லை” என்றார்.


Advertisement

இதுகுறித்து மயூர்பஞ்ச் கலெக்டர் வினீத் பரத்வாஜ் மருத்துவமனையில் ஆய்வு செய்து அறிக்கை ஒன்றை வெளியிட்டார். அதில், “ஒரு நோயாளியை மருத்துவர்கள் மற்றும் செவிலியர்கள் புறக்கணித்ததாக அண்மையில் சமூக ஊடகங்களில் கூறப்பட்ட குற்றச்சாட்டு விசாரிக்கப்பட்டு பொய்யானது மற்றும் ஆதாரமற்றது என்று கண்டறியப்பட்டது.” எனத் தெரிவித்துள்ளார். இருந்தாலும், வீடியோ மற்றும் புகைப்படங்களில் மருத்துவமனையில் ஒரு பெண் உட்பட பல நோயாளிகள் நிர்வாணமாக கிடந்தனர்.


Advertisement

Advertisement
[X] Close