![ஆறாம் கட்ட மக்களவைத் தேர்தல்](http://media.assettype.com/puthiyathalaimurai%2F2024-05%2Faa75e585-738c-49ab-b9ba-a61622c7a5d9%2Friver.png?rect=0%2C0%2C800%2C450&w=480&auto=format%2Ccompress&fit=max)
ஆறாம் கட்ட மக்களவைத் தேர்தலில் 61.20 விழுக்காடு வாக்குகள் பதிவாகி உள்ளதாக தேர்தல் ஆணையம் தெரிவித்துள்ளது.
மக்களவைத் தேர்தலில் ஆறாம் கட்டமாக டெல்லி, உத்தர பிரதேசம், ஹரியானா உள்ளிட்ட 7 மாநிலங்களில் உள்ள 58 தொகுதிகளில் வாக்குப்பதிவு நடைபெற்றது. பொதுவாக வாக்குப்பதிவு அமைதியான முறையில் நடைபெற்று முடிந்தது. இரவு 11.45 மணி நிலவரப்படி, 61.20 விழுக்காடு வாக்குகள் பதிவாகியுள்ளன.
டெல்லியில் உள்ள 7 தொகுதிகளில் 57.67 விழுக்காடு வாக்குகளும், உத்தர பிரதேசத்தில் 54.03 விழுக்காடும், ஹரியானாவில் 64.04 விழுக்காடு வாக்குகளும் பதிவாகி உள்ளன. பீகாரில் 55.24, மேற்குவங்கத்தில் 79.47, ஒடிசாவில் 69.56, ஜார்க்கண்ட் மாநிலத்தில் 63.76, ஜம்மு-காஷ்மீரில் 54.30 விழுக்காடு வாக்குகளும் பதிவாகியுள்ளன.