இந்நிலையில் இன்று காலை மாநிலங்களவை கூடியவுடன் காங்கிரஸ் உள்ளிட்ட எதிர்க்கட்சி எம்.பி.க்கள் அமளியை தொடர்ந்ததால், அவையின் பொறுமையை சோதிக்க வேண்டாம் என அவைத் தலைவர் வெங்கையா நாயுடு எச்சரித்தார். மேலும், அவையில் பதாகைகளை ஏந்தி அமளியில் ஈடுபடுவது, சத்தம் போடுவது போன்ற புகார்கள் வந்துள்ளது. அவையின் மாண்பை குறைக்கும் வகையில் செயல்பட்டால் கடும் நடவடிக்கை எடுக்கப்படும் எனத் தெரிவித்த வெங்கையா நாயுடு, பிற்பகல் 12 மணிவரை அவையை ஒத்திவைத்தார்.
