உத்தரப்பிரதேசத்தில் தாறுமாறாக ஓடிய பேருந்து மோதி 5 பேர் உயிரிழந்தனர். மேலும் பலர் படுகாயமடைந்துள்ளனர்.
கான்பூரில் வேகமாக சென்ற மின்சாரப் பேருந்து ஒன்று, சாலையில் சென்றுகொண்டிருந்த வாகனங்கள் மீதும் சாலையோரம் நின்றுக்கொண்டிருந்தவர்கள் மீதும் மோதியது. இந்த விபத்தில் 5 பேர் உயிரிழந்தனர். படுகாயமடைந்த பலர் மருத்துவமனையில் தீவிர சிகிச்சை பெற்று வருகின்றனர். ஏராளமான வாகனங்களும் சேதமடைந்துள்ளன. விபத்தை ஏற்படுத்திவிட்டு பேருந்து ஓட்டுநர் தப்பியோடியதால் அப்பகுதியில் பரபரப்பு ஏற்பட்டது.
பேருந்து மோதி 5 பேர் உயிரிழந்ததற்கு காங்கிரஸ் பொதுச்செயலாளர் பிரியங்கா காந்தி இரங்கல் தெரிவித்துள்ளார்.
