சென்னை மாநகரில் இரவு நேரங்களில் கிண்டி, ராமாபுரம், முகப்பேர் பகுதிகளில் கனமழை பெய்தது.
நாகை, சீர்காழி உள்ளிட்ட டெல்டா பகுதிகளில் பரவலாக மழை. மெலும், தஞ்சை, திருவாரூர் உள்பட 7 மாவட்டங்களில் இன்று கனமழைக்கு வாய்ப்பு என தகவல்.
திருச்சி சென்ற முதலமைச்சர் மு.க. ஸ்டாலினுக்கு அமைச்சர்கள் உற்சாக வரவேற்பு. இந்நிலையில், அரியலூர், பெரம்பலூர் மாவட்டங்களில் இன்று முதல்வர் கள ஆய்வு நடத்துகிறார்.
தூத்துக்குடியில் துணை முதலமைச்சர் உதயநிதி கலந்துகொண்ட நிகழ்ச்சிகளில் பங்கேற்காத, தொகுதி எம்.பி.கனிமொழி. வெளிநாடு சென்றிருப்பதால் கலந்துகொள்ளவில்லை என உதயநிதி விளக்கம்.
கால வரம்பற்ற வேலைநிறுத்தத்தை திரும்பப்பெற அரசு மருத்துவர்கள் சங்கம் முடிவு. அமைச்சருடனான பேச்சுவார்த்தைக்குப் பிறகு, இன்று முதல் பணிக்கு திரும்புவதாக அறிவிப்பு.
மருத்துவரை கத்தியால் குத்திய இளைஞர் விக்னேஷின் தாயார் தரப்பு கிண்டி காவல் நிலையத்தில் புகார்.சம்பவத்தன்று இளைஞரை எட்டி உதைத்து தாக்கியவர்கள் மீது நடவடிக்கை எடுக்க வலியுறுத்தல்.
அரசு மருத்துவமனைகள் மீது மக்கள் முன்வைக்கும் புகார்கள் ரமணா பட பாணியில் உள்ளது என தேமுதிக பொதுச்செயலாளர் பிரேமலதா விஜயகாந்த் குற்றச்சாட்டு.
நெல்லையில் நாம் தமிழர் கட்சி கூட்டத்தில் கருத்து சொல்ல அனுமதிக்கவில்லை என நிர்வாகிகள் வெளிநடப்பு. இந்நிலையில், இதற்கு, சர்வாதிகாரம் இல்லாமல் கட்சியை வழிநடத்த முடியாது என சீமான் பேட்டி.
குன்றத்தூரில் வீட்டில் வைத்த எலி மருந்தால் மூச்சுத்திணறி குழந்தைகள் இருவர் உயிரிழப்பு. இதனால், மருந்து அடித்த ஊழியர் கைது செய்யப்பட்டுள்ளார்.
தனியார் நிறுவனத்தைச் சேர்ந்த மூவர் மீது வழக்குப்பதிவு.மேலும், எலி மருந்தால் குழந்தைகள் உயிரிழந்த வீட்டில் தடயவியல் துறை ஆய்வு. இந்நிலையில், அளவுக்கு அதிகமாக மருந்து வைக்கப்பட்டிருந்ததாக அதிகாரிகள் தகவல்.
விழுப்புரத்தில் யானை தந்தத்தாலான பொம்மைகளை விற்க முயற்சி. 12 பேரை கைது செய்து காவல் துறை விசாரணை.
மண்டல, மகர விளக்கு பூஜை சீசனுக்காக சபரிமலை அய்யப்பன் கோயில் நடை இன்று திறக்கப்பட்டுள்ளது. பக்தர்கள் வருகையை முன்னிட்டு அடிப்படை வசதிகளுக்கு ஏற்பாடு செய்யப்பட்டுள்ளது.
டெல்லியில் அதிகரித்துள்ள காற்று மாசால் தொடக்கப்பள்ளிகள் மூடல். அடுத்த அறிவிப்பு வரும் வரை ஆன்லைன் மூலவே வகுப்புகள் நடைபெறும் என அறிவிப்பு.
இலங்கை நாடாளுமன்றத் தேர்தல் வாக்கு எண்ணிக்கை தொடக்கம். தபால் ஓட்டு எண்ணிக்கையில் அதிபர் அநுர குமார திசநாயக்க கூட்டணி முன்னிலை.
நியூசிலாந்து நாடாளுமன்றத்தில் பாரம்பரிய நடனமாடி சர்ச்சைக்குரிய மசோதாவை எதிர்த்த இளம்பெண் எம். பி. மவோரி இன மக்களின் உரிமைகளை பறிப்பதாக மசோதாவை கிழித்து எறிந்தும் ஆவேசம்.
