‘மனிதகுலத்தின் வெற்றி என்பது ஒற்றுமையில்தான் இருக்கிறது; போர்க்களங்களில் அல்ல’ என ஐநா பொதுச்சபையில் பிரதமர் நரேந்திர மோடி உரை.
உக்ரைன் அதிபர் செலன்ஸ்கியுடன் பிரதமர் நரேந்திர மோடி அமெரிக்காவில் சந்திப்பு. ரஷ்யாவுடனான போரை முடிவுக்கு கொண்டுவருவதற்கு இந்தியா ஆதரவளிக்கும் என திட்டவட்டம்.
லெபனானில் இஸ்ரேல் நடத்திய தாக்குதலில் 490-க்கும் மேற்பட்டோர் உயிரிழப்பு. தாக்குதல் மேலும் விரிவுபடுத்தப்படும் என இஸ்ரேல் எச்சரிக்கை
“மதச்சார்பற்ற சமதர்ம இந்தியாவை உருவாக்க, ஒருங்கிணைந்து பணியாற்ற வேண்டும்” என சென்னையில் நடைபெற்ற சீதாராம் யெச்சூரி நினைவேந்தல் நிகழ்ச்சியில் முதலமைச்சர் மு.க.ஸ்டாலின் பேச்சு.
“திமுக ஆட்சியில் போடப்பட்ட புரிந்துணர்வு ஒப்பந்தங்களில் 60 விழுக்காடு செயல்பாட்டுக்கு வந்துவிட்டன. முதலீடுகளை குறை சொல்ல எடப்பாடி பழனிசாமிக்கு எந்த தார்மீக உரிமையும் இல்லை” என தொழில்துறை அமைச்சர் டி.ஆர்.பி. ராஜா விமர்சனம்.
தமிழக மீனவர்கள் கைது தொடரும் நிலையில் 40 எம்பிக்கள் எங்கே சென்றனர் என எதிர்க்கட்சி தலைவர் எடப்பாடி பழனிசாமி கேள்வி. மேலும், ஏனோதானோவென்று கடிதம் எழுதிக்கொள்வதுடன் நிறுத்திக்கொள்வதாகவும் முதலமைச்சர் மீது விமர்சனம்.
திருப்பதி லட்டு தயாரிக்க மிருக கொழுப்பு கலந்த நெய்யை கலந்ததாக கூறப்படும் விவகாரத்தில், திண்டுக்கல் நிறுவனத்திற்கு மத்திய உணவு பாதுகாப்பு மற்றும் தர ஆணையம் நோட்டீஸ்.
தோஷம் விலக திருப்பதி கோயிலில் 4 மணிநேரம் புனித சடங்கு, இந்தநிலையில், தேவஸ்தானத்தின் வேண்டுகோளை ஏற்று வீடுகளில் விளக்கேற்றி வழிபட்ட பக்தர்கள்.
என்கவுண்டர் செய்யப்பட்ட ரவுடி சீசிங் ராஜாவின் உடல் கூறாய்வு நிறைவடைந்தநிலையில், உடல் முதல் மனைவியிடம் ஒப்படைப்பு.
திருச்சியில் தேடப்பட்டு வந்த ரவுடி ஜம்புகேஸ்வரனை காலில் சுட்டுப்பிடித்த காவல்துறை. விசாரணையின்போது தப்பியோட முயன்றதாகக் கூறி நடவடிக்கை எடுத்ததாக தெரிவித்துள்ளனர்.
உதகையில் ஆதரவற்றோர் இல்லத்தில் முதியவர்களிடம் பண மோசடி செய்யப்படுவதாக புகார். மேலும், அடித்து துன்புறுத்தப்படுவதாகவும் குற்றச்சாட்டு.
கொடைக்கானல் மேல்மலையில் நிலவெடிப்பு ஏற்பட்ட பகுதியில் நிபுணர்கள் ஆய்வு. நீர் வழித்தடமாக இருப்பதால் மண் பகுதி இளகி வெடிப்பு ஏற்பட்டு இருக்கலாம் என கருத்து.
சேலம் மாவட்ட ஆட்சியருக்கு எதிராக சென்னை உயர்நீதிமன்றம் வாரண்ட். மேலும், நீதிமன்ற அவமதிப்பு வழக்கில் ஆஜராகாததால் நடவடிக்கை.
கர்நாடகா முதலமைச்சர் சித்தராமையா மீதான முறைகேடு புகார்களை விசாரிக்க ஆளுநர் அளித்த அனுமதிக்கு எதிரான வழக்கில், இன்று நண்பகலில் தீர்ப்பளிக்கிறது அம்மாநில உயர்நீதிமன்றம்.
ஜம்மு காஷ்மீரில் ஓய்ந்தது 2ஆம் கட்ட சட்டப்பேரவை தேர்தலுக்கான பரப்புரை தொடங்கியது. இதனால், 26 தொகுதிகளில் பலத்த பாதுகாப்பு ஏற்படுத்தப்பட்டுள்ளது.
பெங்களூருவில் இஸ்லாமிய மக்கள் வாழும் பகுதியை பாகிஸ்தான் என விமர்சித்த விவகாரத்தில், பகிரங்க மன்னிப்பு கோரினார் கர்நாடக உயர்நீதிமன்ற நீதிபதி வேதவியாசாச்சார் ஸ்ரீஷானந்தா.
ஆஸ்கர் விருதுக்காக இந்தியாவில் இருந்து பரிந்துரை செய்யப்பட்டது லாபத்தா லேடீஸ் திரைப்படம் என இந்திய திரைப்பட கூட்டமைப்பு அறிவிப்பு.
இலங்கையின் 9 ஆவது அதிபராக அநுர குமார திஸநாயக பதவியேற்றார். இந்நிலையில், சர்வதேச நாடுகளோடு கரம் கோர்த்து முன்னேற்றப்பாதைக்கு இட்டுச்செல்லப் போவதாக உறுதி.
