தலைப்புச் செய்திகள் | குறைக்கப்பட்ட ஜிஎஸ்டி வரி முதல் புதிய தேசிய கல்விக்கொள்கைக்கு எதிர்ப்பு வரை!

புற்றுநோய் மருந்துகளுக்கான ஜிஎஸ்டி வரியை 12இல் இருந்து 5% ஆக குறைத்தும், மிக்சர், சிப்ஸ் போன்ற தின்பண்டங்களுக்கும் வரியை 18இல் இருந்து 12% ஆக குறைத்தும் ஜிஎஸ்டி கவுன்சில் கூட்டத்தில் ஒப்புதல் அளிக்கப்பட்டுள்ளது.

பிரதமர் நரேந்திர மோடியுடன் ஐக்கிய அரபு அமீரகத்தின் இளவரசர் ஷேக் காலெத் மொகமத் பின் சந்திப்பு. இந்தவகையில், இரு நாடுகளுக்கிடையில் அணுசக்தி ஒத்துழைப்பு உள்ளிட்ட நான்கு முக்கிய ஒப்பந்தங்கள் கையெழுத்தானது.

தேசிய கல்வி கொள்கையை ஏற்க மறுப்பதால் சிறப்பாக செயல்படும் மாநிலங்களுக்கு நிதியை மறுப்பதா என முதலமைச்சர் மு.க.ஸ்டாலின் கேள்வி எழுப்பியுள்ளார்.

அரசியல் ஆதாயங்களை விட மாணவர்கள் நலனுக்கு முன்னுரிமை கொடுக்க தமிழக அரசுக்கு மத்திய கல்வித்துறை அமைச்சர் தர்மேந்திர பிரதான் வலியுறுத்தியுள்ளார்.

எந்த காலத்திலும் புதிய தேசிய கல்விக்கொள்கைக்கு ஒப்புதல் வழங்கமாட்டோம் என தமிழக இளைஞர் நலன் துறை அமைச்சர் உதயநிதி உறுதியளித்துள்ளார்,

2025ஆம் ஆண்டு டிசம்பருக்குள் அதிமுக ஒன்றிணையும் என ஓபிஎஸ் ஆதரவாளர் வைத்திலிங்கம் கணிப்பு.

தமிழக வெற்றிக்கழக மாநாட்டு ஏற்பாடுகள் குறித்து கட்சி நிர்வாகிகளுடன் விஜய் ஆலோசனை. இந்நிலையில், மாநாட்டை இம்மாதமே நடத்துவதில் உறுதியாக இருப்பதாக விஜய் பேச்சு.

சென்னை கிண்டி ரேஸ்கோர்ஸிற்கு வழங்கப்பட்ட குத்தகையை ரத்து செய்து அரசாணை பிறப்பித்துள்ளது. இந்நிலையில், நிலத்தை கையகப்படுத்தவும் மாவட்ட ஆட்சியருக்கு உத்தரவு பிறப்பிக்கப்பட்டுள்ளது.

நெல்லை ராதாபுரம் அருகே 3 வயது குழந்தையை கொலை செய்து வாஷிங்மெஷினில் மறைத்து வைத்த எதிர்வீட்டு பெண்மணி. இந்நிலையில், இடிந்த வீட்டுக்குள் ஓடி ஒளிந்தவரை கண்டுபிடித்து கைது செய்த காவல்துறை.

யூடியுபர் சவுக்கு சங்கர் தனிமைச் சிறையில் அடைக்கப்படவில்லை என உச்சநீதிமன்றத்தில் தமிழக அரசு விளக்கமளித்துள்ளது.

இலங்கை சிறையில் உள்ள மீனவர்களை மீட்க வலியுறுத்தி தூத்துக்குடியில் உண்ணாவிரத போராட்டம். மேலும், நேரில் சந்திக்க வராத ஆட்சியரிடம் கிராம மக்கள் சரமாரிக் கேள்வி எழுப்பியுள்ளனர்.

காங்கிரசுடனான தொகுதி பங்கீடு பேச்சுவார்த்தை தோல்வியடைந்த சூழலில், ஹரியானா சட்டப்பேரவை தேர்தலில் 20 தொகுதிகளுக்கான வேட்பாளர்களை அறிவித்தது ஆம்ஆத்மி.

ராமேஸ்வரம் கஃபே குண்டுவெடிப்பு வழக்கில் குற்றப்பத்திரிகை தாக்கல் செய்தது தேசிய புலனாய்வு முகமை. இந்நிலையில், குற்றவாளிகள் கிரிப்டோ கரன்சி மூலம் நிதியுதவி பெற்றதாக குற்றச்சாட்டு.

வெளிநாடுகளுக்கு சென்று இந்தியாவை அவமதிப்பதை ராகுல் காந்தி வாடிக்கையாக கொண்டிருக்கிறார் என மத்திய அமைச்சர் கிரண் ரிஜிஜு உள்ளிட்ட தலைவர்கள் குற்றச்சாட்டு.

"ராகுல் காந்தி இந்தியாவை அவமதிக்கவில்லை. இனியும் அவமதிக்கமாட்டார்" என காங்கிரஸ் தலைவர் மல்லிகார்ஜுன கார்கே உறுதி.

ஹமாஸ் - இஸ்ரேல் இடையே போர்நிறுத்தம் ஏற்படுவதற்கு இந்தியா ஆதரவு. இந்நிலையில், காசா நிலவரம் இந்தியாவுக்கு மிகவும் முக்கியமானது எனவும் வெளியுறவுத்துறை அமைச்சர் ஜெய்சங்கர் பேச்சு.