பிரேசில் ஜி20 மாநாட்டில் இத்தாலி, பிரான்ஸ், இங்கிலாந்து நாடுகளின் தலைவர்களுடன் பிரதமர் மோடி சந்திப்பு. அனைவரும், ஒன்றாக குழுப் புகைப்படமும் எடுத்துக் கொண்டனர்.
உலகளவில் நடக்கும் மோதல்களால் ஏற்படும் மாற்றங்கள் கவலை அளிப்பதாக பிரதமர் மோடி, ஜி20 மாநாட்டில் உரை. போர்களால் தெற்கு நாடுகளில் உணவு, எரிபொருளுக்கு தட்டுப்பாடு ஏற்படும் சூழல் உருவாகியிருப்பதாகவும் பேச்சு.
மணிப்பூரில் அமைதியை நிலைநாட்டும் நடவடிக்கைகளை விரைந்து எடுக்க உள்துறை அமைச்சர் அமித்ஷா உத்தரவு. கூடுதலாக 5 ஆயிரம் வீரர்களை அனுப்பவும் உயர் நிலை ஆலோசனை கூட்டத்தில் முடிவு.
மணிப்பூர் வன்முறைக்கு பொறுப்பேற்று உள்துறை அமைச்சர் அமித் ஷா பதவி விலக வேண்டும் என காங்கிரஸ் வலியுறுத்தல். வெளிநாடு செல்லும் பிரதமருக்கு மணிப்பூர் செல்ல நேரமில்லையா என்றும் கேள்வி.
உள்ளாட்சி அமைப்புகளுக்கு இடையேயான நிதிப் பகிர்வில் மாநில அரசுக்கே முழு அதிகாரம் வேண்டும் என 16ஆவது நிதிக் குழுவுக்கு தமிழக அரசு பரிந்துரை.
ஆழ்ந்த ஆராய்ச்சி, தெளிவான பகுப்பாய்வுடன் கூடிய விளக்கம் அளித்த தமிழ்நாடு அரசு. இதற்கு, 16ஆவது நிதிக் குழு தலைவர் அரவிந்த் பனகாரியா பாராட்டு.
2026 சட்டப்பேரவைத் தேர்தலில் அதிமுகவுடன் கூட்டணி என வெளியான தகவலுக்கு தமிழக வெற்றிக்கழகம் மறுப்பு. இந்நிலையில், பெரும்பான்மை பலத்துடன் அரசு அமைப்பதே குறிக்கோள் எனவும் தவெக விளக்கம்.
திருச்செந்தூர் கோயில் யானை மிதித்து பாகன் உள்பட இருவர் உயிரிழப்பு. பாகனின் உறவினர் நீண்ட நேரம் அருகே நின்று செல்பி எடுத்ததே யானையின் கோபத்திற்கு காரணம் என வனச்சரக அலுவலர் தகவல்.
உயிரிழந்த பாகனைத் தேடி சுற்றிவந்த திருச்செந்தூர் கோயில் யானை உணவு உட்கொள்ளவும் மறுத்ததால் சிகிச்சை அளிக்க வனத்துறை முடிவு.
லாட்டரி அதிபர் மார்ட்டின் தொடர்புடைய இடங்களில் 12 கோடியே 41 லட்சம் ரூபாய் பறிமுதல். இந்நிலையில், 6 கோடியே 42 லட்சம் ரூபாய் வைப்பு நிதி முடக்கப்பட்டுள்ளதாக அமலாக்கத்துறை விளக்கம்.
தேனி, சிவகங்கை, திருவாரூர் உள்ளிட்ட பகுதிகளில் கனமழை. நெல்லை, தூத்துக்குடி உள்ளிட்ட 10 மாவட்டங்களில் இன்று கனமழைக்கு வாய்ப்பு.
சில்வர் ஃபாய்ல் பேப்பர் மற்றும் பிளாஸ்டிக் கவரில் உணவு பார்சல் செய்தால் கடும் நடவடிக்கை. மீறினால், உரிமத்தை ரத்து செய்து கடைக்கு சீல் வைக்கப்படும் என உணவு பாதுகாப்புத்துறை எச்சரிக்கை.
எலான் மஸ்க்கின் ஸ்பேஸ் எக்ஸ் நிறுவன ராக்கெட் மூலம் விண்ணில் ஏவப்பட்ட இஸ்ரோவின் செயற்கைக்கோள். 4,700 கிலோ எடையுள்ள ஜிசாட்-என்2 செயற்கைகோள் வெற்றிக்கரமாக செலுத்தப்பட்டது.
பிரேசிலில் ஜி20 மாநாடு நடைபெறும் இடத்திற்கு அருகே பாலஸ்தீன ஆதரவாளர்கள் போராட்டம். காசா மீதான இஸ்ரேல் படைகளின் தாக்குதலுக்கு எதிராக முழக்கம்.
