இன்றைய காலை தலைப்புச் செய்திகள் | சூறாவளி தேர்தல் பரப்புரை முதல் இந்திய தூதரகத்தின் எச்சரிக்கை வரை!

தமிழகத்தில் நேற்று ஒரே நாளில் அமித் ஷா, ராகுல் காந்தி, நிர்மலா சீதாராமன் சூறாவளி பரப்புரை மேற்கொண்டனர்.

கோவை தேர்தல் பொதுக்கூட்டத்தில் நாடு முழுவதும் காலியாக உள்ள 30 லட்சம் அரசுப் பணியிடங்கள் நிரப்பப்படும் என மகளிர், விவசாயிகளுக்கு அடுக்கடுக்கான வாக்குறுதிகளை அளித்துள்ளார் ராகுல் காந்தி.

தமிழகம் வளர்ச்சி அடையாததற்கு திமுக, அதிமுக செய்த ஊழல்களே காரணம் என மதுரையில் நடந்த தேர்தல் பரப்புரையில் மத்திய உள்துறை அமைச்சர் அமித் ஷா விமர்சனம்.

யார் ஆளவேண்டும் என்ற தெளிவின்றி மக்களவை தேர்தலை அதிமுக எதிர்கொள்கிறது என கோவை பரப்புரை கூட்டத்தில் முதலமைச்சர் மு.க.ஸ்டாலின் குற்றச்சாட்டு.

திமுக ஆட்சியில் சட்டம் ஒழுங்கு அடியோடு சீர்கெட்டுவிட்டது என நாமக்கல் தேர்தல் பரப்புரையில் அதிமுக பொதுச் செயலாளர் எடப்பாடி பழனிசாமி காட்டம்.

கவுன்சிலராக கூட வெற்றி பெறமுடியாதவர் அதிமுகவை பற்றி பேசுவதா? என பாஜக மாநில தலைவர் அண்ணாமலை குறித்து அதிமுக பொதுச்செயலாளர் எடப்பாடி பழனிசாமி கடும் விமர்சனம்.

கோவையில் 80 விழுக்காடு வடமாநில தொழிலாளர்கள் குறைக்கப்படுவார்கள் என பாஜகவின் கோவை தொகுதி வேட்பாளர் அண்ணாமலை வாக்குறுதி.

பாரதிய ஜனதாவை விரட்டும் வரை திமுக தொண்டர்களுக்கு தூக்கமில்லை என கோவில்பட்டியில் பரப்புரை மேற்கொண்ட அமைச்சர் உதயநிதி பேச்சு.

தமிழகத்தில் பாஜகவுக்கு சுவர் விளம்பரம் வரையகூட ஆள் இல்லை என விடுதலை சிறுத்தைகள் கட்சி தலைவர் தொல். திருமாவளவன் கடும் விமர்சனம்.

தமிழகத்தில் 2026ஆம் ஆண்டில் திமுக, அதிமுக இல்லாத கூட்டணியே ஆட்சியமைக்கும் என பாட்டாளி மக்கள் கட்சி தலைவர் அன்புமணி சேலத்தில் பரப்புரை.

தமிழ்நாட்டிற்கு தேவையான நிதியை மத்திய பாஜக அரசு கொடுப்பதில்லை என நாம் தமிழர் கட்சி தலைமை ஒருங்கிணைப்பாளர் சீமான் விழுப்புரத்தில் பரப்புரை.

பெரம்பலூரில் பாஜக நிர்வாகிகள் இருவர் மீது தாக்குதல் நடத்தப்பட்டதாக புகார் எழுந்தநிலையில், விடுதலை சிறுத்தைகள் கட்சியை சேர்ந்த கேரளா ராஜா என்பவர் கைது.

சங்கரன்கோவில் அருகே அமைச்சர் உதயநிதியின் வாகனத்திலும், கூடலூரில் பரப்புரைக்காக சென்ற மத்திய அமைச்சர் எல்.முருகன் வாகனத்திலும் சோதனை செய்த பறக்கும் படை.

திமுக, அதிமுக நிர்வாகிகள் வீடுகளில் அமைந்துள்ள ராமநாதபுரம், கள்ளக்குறிச்சி, காஞ்சிபுரத்தில் வருமான வரித்துறை ஆய்வு

தமிழகத்தில் இதுவரை 314 கோடி ரூபாய் மதிப்புள்ள பணம், தங்க நகைகள், ரொக்கமாக மட்டும் 151 கோடியை கைப்பற்றியது தேர்தல் பறக்கும் படை.

தமிழகத்தில் மகளிர் உரிமை தொகையை அளிக்க எந்த தடையும் இல்லை என தமிழக தலைமை தேர்தல் அதிகாரி சத்யபிரதா சாகு விளக்கம். மேலும், பூத் சிலிப் வழங்கும் பணிகள் இன்றே நிறைவடையும் என்றும் நம்பிக்கை.

மக்களவை தேர்தலில் வேலைவாய்ப்பின்மை, விலைவாசி உயர்வே முக்கிய பிரச்னைகளாக இருக்கும் என லோக்நிதி-C.S.D.S. அமைப்பு நடத்திய ஆய்வில் கருத்து.

தேசத்தின் அணு ஆயுத சக்தியை அழிக்க விரும்புகிறது I.N.D.I.A. கூட்டணி என காங்கிரஸ் வெளியிட்ட தேர்தல் அறிக்கையை சுட்டிக்காட்டி பிரதமர் மோடி விமர்சனம்.

தமிழக தணிக்கை இயக்குநர் ஜெய்சங்கரின் நடவடிக்கை சரியே என்றும் தமிழ்நாடு அரசு திருப்பி அனுப்பியது குறித்து விரைவில் விசாரணை நடத்தப்படும் என்றும் சிஏஜி விளக்கம்.

சிறுத்தைப்புலி தென்பட்டதால் அரியலூரில் பள்ளிகளுக்கு விடுமுறை. கூண்டு வைத்து சிறுத்தைப்புலியை பிடிக்கும் பணியை தொடங்கியது வனத்துறை.

இஸ்ரேல் மற்றும் ஈரானில் இருக்கும் இந்தியர்கள் எச்சரிக்கையுடன் இருக்கவேண்டும் என தாக்குதல் அச்சம் எழுந்துள்ள சூழலில் இந்திய தூதரகம் அறிவுறுத்தல்.

ஐபிஎல் தொடரில் தொடர் சரிவிலிருந்து மீண்டது டெல்லி கேபிடல்ஸ் அணி. பலம் வாய்ந்த லக்னோ அணியை 6 விக்கெட் வித்தியாசத்தில் வீழ்த்தியது.