தலைப்புச் செய்திகள் |நல்லாசிரியர் விருது அறிவிப்பு முதல் இன்று தொடங்கும் பாராலிம்பிக் போட்டிகள் வரை!

தமிழகத்தைச் சேர்ந்த ஆசிரியர்கள் கோபிநாத், முரளிதரனுக்கு தேசிய நல்லாசிரியர் விருது அறிவிப்பு. இவ்விருதினை செப்டம்பர் 5ஆம் தேதி குடியரசுத் தலைவர் வழங்கி சிறப்பிக்க இருக்கிறார்.

“முதலீடுகள் மூலம் தமிழ்நாட்டை 2030-க்குள் 1 டிரில்லியன் டாலர் பொருளாதாரமாக மாற்றக்கூடிய இலக்கை அடைவோம்” என சென்னையில் இருந்து அமெரிக்கா புறப்படும் முன் முதலமைச்சர் மு.க. ஸ்டாலின் பேட்டி.

‘அமைச்சரவையில் மாற்றம் இருக்குமா?’ என்ற கேள்விக்கு “மாறுதல் ஒன்றே மாறாதது. பொறுத்திருந்து பாருங்கள்” என்று முதலமைச்சர் பதிலளித்துள்ளார்.

“எடப்பாடி பழனிசாமி மீதான விமர்சனம் 100 சதவிகிதம் சரி. எனது கருத்திலிருந்து பின்வாங்கப்போவதில்லை” என்று அண்ணாமலை உறுதி.

“அண்ணாமலைக்கு அரசியல் நாகரீகம் இல்லை. ரஃப் அன்ட் டஃப் எடுபடாது” என்று அதிமுக முன்னாள் ஜெயக்குமார் புதிய தலைமுறைக்கு பிரத்யேக பேட்டி.

திருச்சி எஸ்பி வருண்குமாரின் மனைவியும், புதுக்கோட்டை எஸ்.பி.யுமான வந்திதா பாண்டேவிற்கு கனிமொழி எம்.பி. ஆதரவு தெரிவித்துள்ளார். பெண்களுக்கு எதிரான அருவெறுக்கத்தக்க பரப்புரைகளை ஏற்க முடியாது எனவும் கண்டனம்.

நீலகிரி மாவட்டம் கூடலூர், பந்தலூர் பகுதிகளில் கனமழை. ஆறுகளில் கரைபுரளும் வெள்ளம் பொதுமக்களுக்கு எச்சரிக்கை.

கொல்கத்தாவில் பெண் பயிற்சி மருத்துவர் கொலைக்கு நீதி கேட்டு நடந்த போராட்டத்தில் வன்முறை. காவல்துறையால் தடியடி நடத்தப்பட்டதை கண்டித்து இன்று 12 மணிநேர பொது வேலைநிறுத்தத்துக்கு பாஜக அழைப்பு.

மேற்குவங்கத்தில் பெண்களுக்கு எதிரான குற்றங்களை தடுக்க மம்தா தவறிவிட்டதாக ஜெ.பி.நட்டா குற்றச்சாட்டு. சர்வாதிகாரி போன்று மம்தா ஆட்சி செய்துவருவதாகவும் விமர்சனம்.

2024ஆம் ஆண்டுக்கான பாராலிம்பிக் போட்டிகள் இன்று தொடக்கம். பாரிஸ் வீதிகளில் வலம் வந்த ஜோதி.... போட்டிகளை காண குவியும் ரசிகர்கள்.