![தலைப்புச் செய்திகள்](http://media.assettype.com/puthiyathalaimurai%2F2024-06%2F14103050-9423-4e6d-8f35-4ad5d0d76f82%2FPT_Web.png?rect=0%2C0%2C800%2C450&w=480&auto=format%2Ccompress&fit=max)
சென்னையில் நேற்று இரவு முழுவதும் பரவலாக மழை பெய்தது. மேலும், திருச்சி, மதுரை உள்பட பல்வேறு பகுதிகளிலும் பலத்த மழை பெய்ததால் குளிர்ச்சியான சூழல் நிலவி வருகிறது.
தமிழகத்தில் இன்று 8 மாவட்டங்களில் கனமழைக்கு வாய்ப்பு உள்ளதும் என்றும், வரும் 12ஆம் தேதி வரை மழை நீடிக்கும் என்றும் வானிலை ஆய்வு மையம் கணித்துள்ளது.
டெல்லியில் இன்று தேசிய ஜனநாயக கூட்டணி கட்சி எம்பிக்கள் ஆலோசனை நடத்தவுள்ளனர். மேலும், குடியரசுத் தலைவரிடம் ஆதரவு எம்பிக்களின் பட்டியலை சமர்ப்பிக்கவும் திட்டமிடப்பட்டுள்ளது.
நாளை மறுநாள் பிரதமராக பதவியேற்கிறார் நரேந்திர மோடி. பதவியேற்பு விழாவில் இலங்கை, வங்கதேசம் உள்ளிட்ட ஆசிய நாடுகளின் தலைவர்கள் பங்கேற்பார்கள் என்று எதிர்ப்பார்க்கப்படுகிறது.
மோடி பதவியேற்பு விழாவில் பங்கேற்க ஓபிஎஸ், டிடிவி தினகரன், நடிகர் ரஜினிகாந்த், ராதிகா, சரத்குமார், தேமுதிக தலைவர் பிரேமலதா ஆகியோருக்கு அழைப்பு விடுக்கப்பட்டுள்ளது.
கருத்துக்கணிப்பு மூலம் பங்கு சந்தையில் 30 லட்சம் கோடி ரூபாய் முறைகேடு நடந்துள்ளதாக ராகுல்காந்தி குற்றச்சாட்டினை முன்வைத்துள்ளார். இந்நிலையில், முதலீட்டாளர்களிடையே அச்சத்தை ஏற்படுத்த காங்கிரஸ் முயற்சிப்பதாக பியூஷ் கோயல் விமர்சனம் செய்துள்ளார்.
முதலமைச்சர் மு.க.ஸ்டாலினிடம் நேரில் வாழ்த்து பெற்றனர் திமுக கூட்டணி எம்.பி.க்கள். இதன்காரணமாக அண்ணா அறிவாலயத்தில் பட்டாசு வெடித்து மேளதாளம் முழங்க வெற்றிக் கொண்டாட்டம் நடைபெற்றது.
சண்டிகர் விமான நிலையத்தில் பாஜக எம்.பி. கங்கனாவின் கன்னத்தில் அறைந்த பெண் காவலரின் வீடியோவை வெளியிட்டு நடிகை புகார் அளித்துள்ளார். இந்நிலையில், அக்காவலர் சஸ்பெண்ட் செய்யப்பட்ட நிலையில், அவர்மீது வழக்குப்பதிவு செய்யப்பட்டுள்ளது.
ஒரே மையத்திலிருந்து நீட் தேர்வு எழுதிய 8 பேர் முதலிடம் பிடித்துள்ளனர். இந்நிலையில், சர்ச்சை வெடித்ததையடுத்து தேசிய தேர்வு முகமை விளக்கமளித்துள்ளது.
டி20 உலகக்கோப்பை கிரிக்கெட் தொடரில் பாகிஸ்தானை வீழ்த்தி வரலாறு படைத்தது அமெரிக்கா அணி. சூப்பர் ஓவர் முறையில் த்ரில் வெற்றியை ருசித்து அசத்தல்.